රාමුව
ඉතින් යාලුවනේ ඔයාලා පරිස්සමෙන් ඇති කියලා හිතෙනවා. අද youtube channel එකක් ගැන පොඩි review එකක් කරන්න තමයි ආවේ.මට හිතුනා මම youtube එකේ බලන්න ආස වැඩිපුර බලන කැමතිම නාලිකා ගැන මේ article දෙක තුනකින් ලියන්න. මම මුලින් එකක් ගැන ලිව්වත් ඒක එහෙම්ම නැවතුනා.ඒ හින්දා ආයිත් පටන් ගන්න හිතුනා.හරි අද ලියන්න යන්නේ රාමුව youtube නාලිකාව ගැන.ගොඩක් දුරට ඔයාලා අහලත් ඇති.මේ නාලිගාව මෙහෙයවන්නේ රන්දික විජේසිංහ විසින්.ඔයාට රාමුව නාලිකාව රන්දික විජේසිංහ කියන නාලිකාවත් ඔහුගේම තමයි.මුලින්ම ඔහු ගැන පොඩි හැඳින්වීමක් කරන්නම්.ඔහුගේ රැකියාව ගැන ලොකු අදහසක් නැති උනත් මේ වෙනකොට ඔහු ජීවත් වෙන්න නම් ඕස්ට්රේලියාවෙ. ඉතින් මං දන්න තරමට ඔහු පුද්ගලයින් මානසිකව නගා සිටුවීම හා සම්බන්ධ රැකියාවක තමයි නිරතවෙන්නෙ.
හරි ඔහුගේ වැඩසටහන් ගැන ගත්තොත් හොඳින්ම තේරෙනවා, ඕනෑම දෙයක් හොඳින් හොයලා බලලා මනා වැටහීමක් සහිතව ඒ පිළිබඳව මනා දැනුමක්ද සහිතව ඒ වීඩියෝ පල කරන්න ඔහු කටයුතු කරනවා.වටිනාම දේ ඒ සම්බන්ධව සියලු සාක්ෂි හෝ ඒ සම්බන්ධ ලිපිගොනු පල කරන්නත් ඔහු පසුබට වෙන්නේ නැහැ.ඒ වගේම ඔහු පළ කරන සෑම වීඩියෝ එකක්ම වගේ මට අනුව නම් ඵලදායී ඒවා.ගොඩක් වෙලාවට පැයකට ආසන්න තරමේ වීඩියෝ ඔහු පළකලත් මට නම් ඒක අහන් ඉන්න පොඩ්ඩක්වත් කම්මැලි නැහැ. මොකද ඒ තරම් හොඳට ඒ ඉදිරිපත් කරන්න ඔහු සමත් වෙනවා.ඒ වගේම මේ වෙන තෙක් දැනගෙන සිටි විශ්වාස කරපු ගොඩක් ඒවා වල සැබෑ දේ තේරුම් ගන්නත් ඔහුගේ ගොඩාක් වීඩියෝ මට නම් උපකාර වෙලා තියෙනවා.ඔයාලා මේ වෙනකොටත් වැඩසටහන ගැන දන්නේ නැත්නම් free වෙලාවක බලන්න කිසිම සැකයක් නැතුව මම නම් මේ වැඩසටහන recommend කරනවා.