12th Fail

_source

අද අරගෙන ආවේ ඉන්දියාවෙන් බිහි වූ සුපිරිම Motivation ෆිල්ම් එක.මේක ඇත්තටම සත්‍ය කතාවක් පදනම් කරගෙන හදපු ෆිල්ම් එකක්.ඇත්තටම ෆිල්ම් එකේ කතාවනම් මාව අඬවන්න පුළුවන් විදිය කතාවක් වුණා.ඉතින් සමහරවිට ඔයා දැනටමත් ප්‍රශ්න වලින් තෙරපිලා තෙරපිලා ගොඩ එන්න විදිහක් හිතාගන්න බැරුව ඉන්නවා වෙන්න පුළුවන් මේකෙන් ඒ ප්‍රශ්නවලට උත්තරයක් නැති වුනත් ඔයාට හොද දිරිගැන්වීමක් නම් මේ ෆිල්ම් එකෙන් ලැබෙනවා කියලා හොඳටම විශ්වාසයි.මේ ෆිල්ම් එක 2023 වසරේ තමයි ආවේ.දැනටමත් මේ ෆිල්ම් එකට imdb 8.8ක ඉහළ අගයක් ලැබිලා තියෙනවා.ඉතින් මේ ෆිල්ම් එකට වඩා හොඳ තවත් ෆිල්ම් එකක් නැවත එන එකක් නෑ කියලා සිනමා විචාරකයින් පවා අදහස් පළ කරල තියෙනවා.

හරි ඉතින් තවත් අගය කිරීම් නැතුව ෆිල්ම් එක ගැන පොඩි සාරාංශයක් වෙනද වගේම දෙන්නම්.දුප්පත් පවුලක තරුණ පිරිමි ළමයෙක් ඉන්නවා,මේ ළමයට ඕන කොහොමහරි IPS officer කෙනෙක් වෙන්න.ඉතිං ඒ උනත් මේ ළමයට තියෙන්නේ ඒකට ආසාවව විතරයි.මොකද IPS officer කෙනෙක් වෙන එක එතරම් ලේසි පහසු නැහැ.ඉතින් මේ ළමයගේ ආච්චි මේ ළමයගෙ හීනය ගැන හොඳින්ම දන්නවා.ඒ හින්දම ආච්චි එයා ඉතුරු කරගත් සල්ලි ටිකක් ළමයට දීලා කොහොමහරි ආයෙත් ගෙදර එද්දි IPS Officer කෙනෙක් වෙලා එන්න කියලා ළමයාව පිටත් කරනවා.මොන ඔතනින් තමයි ෆිල්ම් එක පටන් ගන්නේ.ජීවිතයේ අන්තිම අඩියටත් වඩා පහළට වැටිලා තියෙන කෙනෙකුගේ ජීවිතයක් වෙනස් කරන්න පුළුවන් විදිය ගැන කියවෙන ලස්සන කතාවක් තමයි ෆිල්ම් එක පුරාවට දිවයන්නෙ.