The News Paper Sinhala movie Review According To The Script
මම අද කතා කරන්නේ තිර පිටපතක අවස්ථා සහ සිද්දි ගොඩනැගිලා තියෙන්නේ කොහොමද කියන එක ගැන.
ද නිවුස් පේපර් චිත්රපටය අධ්යක්ෂණය හා තිරරචනය කරලා තියෙන්නේ සරත් කොතලාවල සහ කුමාර තිරිමාදුර . මේ චිත්රපටියට පාදක කරගෙන තියෙන්නේ යුද්ධ කාලේ ප්රධාන මාතෘකාවක් වෙන සිංහල කොටි කියන තේමාව. සෑම සිද්දියකටම ආරම්භයක්, මධ්ය අවස්ථාවක් වගේම අවසානයක් තියෙනවා. තිර පිටපතක අවස්ථා හා සිද්දි ගැළපීම ගැන කතා කරද්දී පරිසරය/කාලය, චරිත හා පසුබිම, චරිත අතර සම්බන්ධතා ඇති කිරීම, භාව උද්දීපනය කිරීම, ඒ ඒ සිද්දියට අදාල වාතාවරණයක් සැකසීම වගේ කරුණු පෙන්වා දෙන්න පුලුවන්. මේ කරුණු මුල්කරගෙන ද නිවුස් පේපර් චිත්රපටයෙන් උපුටාගත් කොටසක් ගැන කතා කරමු.
පරිසරය / කාලය
මේ චිත්රපටියේ ආරම්භක දර්ශනයේදී පෙන්නන්නෙ පොලක දර්ශනයක්. නිවේදනයක් කරමින් යන ත්රීවීල් එක්කුත් පෙන්නනවා. පොළේ කෑකෝ ගැසීම් අතර පසුබිමෙන් ඇසෙන්නෙ නිවේදනයේ හඩ. තිර රචකයා එමගින් මේ පරිසරය /කාලය ගැන අවබෝධයක් ලබා දෙනවා. ඒ නිවේදනයෙන් ප්රේක්ෂකයාට තේරෙන්නෙ මේ වෙන කොට යුද්ධය අවසන් වෙලා අවුරුදු නවයක් ගත වෙලා ඉවරයි කියලා.
චරිත/ පසුබිම / සබදතා
source
ඊට පස්සෙ මේ සිද්ධියේ චරිත හඳුන්වා දීම සිද්ද කරනවා. ඊළඟට අපිට පෙන්වන්නේ පොලේ කෙළවරක වාඩිවෙලා ඉන්න පුද්ගලයෙක් . එයා ලග තියෙන කරත්තය හා අත්වාරුවෙන් ඒ පුද්ගලයා ඇවිදින්න බැරි ආබාධිත අයෙක් බවට මෙහිදී තිරරචකයා ප්රේක්ෂකයාට තේරුම් ගැනීමට සලස්වනවා. ඒ මනුස්සයා බිම වාඩි වෙලා පොළෙන් ඉවත දැමූ එළවළු අතරින් කෑමට ගන්න පුලුවන් හොඳ කොටස් තෝරලා එකතු කරන විදිහෙන් ඒ මනුස්සයාගෙ ආර්ථික තත්ත්වය ගැන ද අවබෝධයක් ලැබෙනවා.
ඊට පස්සෙ දර්ශනයකින් කටුමැටි ගැසූව ගෙදරක ඉන්න ඒ පුද්ගලයාගේ අම්මා ද ප්රේක්ෂකයාට හඳුන්වලා දෙනවා.
භාව උද්දීපනය
ප්රධාන චරිතය කියලා අපිට හිතන්න පුලුවන් පුද්ගලයා පත්තර කෑල්ලක තිබුන ප්රවෘත්තියක් දැකලා ගොඩක් දුක් වෙන විදිහ පෙන්නනවා. ඒකට හේතුව ප්රේක්ෂකයාට මේ මොහොතේ හෙළි කරන්නේ නැතිව ප්රේක්ෂකයා තුළ යම් කුතුහලයක් ඇති කරවනවා. ඒ පුද්ගලයා ඒ පුවත තමන්ගෙ අම්මා ඉස්සරහ කියවනවා. ඔහු සංවේදී වීමට හේතුව ප්රේක්ෂකයාට දැන ගන්න ඉඩ සලසන්නේ ද මේ මොහොතේ. ඒකට හේතුව පත්තරයක පොඩිකොටසක පළ කරලා තියෙන මීට බොහෝ කාලෙකට කලින් පළවුන ප්රවෘත්තියක නිවැරදි කිරීමක්. ඔහු කියවූ ඒ පුවත වෙන්නේ හමුදා බස් රථයකට මරාගෙන මැරෙන බෝම්බ ප්රහාරයක් එල්ල කළ බවට සැක කළ එම් කේ ශාන්ත නමැත්තා නිර්දෝෂ බවයි. ඒ ඔහුගේ මල්ලි බවද දෙබස් වලින් පැහැදිලි වෙනවා.
වාතාවරණය
ඊට පස්සෙ පෙන්නන කඩ මන්ඩියේ දර්ශනයෙන් ඒ සිද්ධිය නිසා ඇතිවෙලා තියෙන වාතාවරනය හොඳින් පෙන්නුම් කරනවා. ඒ අවස්ථාව වඩාත් හොදින් තහවුරු කරන්න වගේම ඒ අවස්ථාව සජීවී බවට පත් කරන්න එහිදී යොදාගෙන තියෙන දෙබස් වලින් පුලුවන් වෙනවා. එනම් මේ දෙබස් මගින් ප්රේක්ෂකයන්ට අවබෝධ වෙන්නේ ගමේ මිනිස්සු ඔවුන් කොටි කියලා සැක කරලා ගමෙන් කොන් කරලා තියෙනවා කියලා. උපුටා ගත් මේ සිද්ධිය පටන් ගන්නේ මායිම් ගම්මානයක මිනිස්සු යුද්ධය ඉවර වුනාට පස්සේ එදිනෙදා ජීවිතය ජීවිතය ගතකරන ආකාරය පෙන්වමින්. ඒක සාමාන්ය වාතාවරණයක්. ඊටපස්සෙ ඒ සිද්ධියේ ටිකක් මැදට එන කොට කුතුහලය දැනගෙන සුළු සුලූ වාතාවරණයක් ඇති වෙනවා . ඊට පස්සෙ ඒ සිද්ධිය ඉවර වෙන්නේ එම කුතුහලය හේතු හෙලිකරලා කර පැහැදිලි කරාට පස්සෙ.
source
ද නිවුස් පේපර් චිත්රපටයෙන් උපුටාගත් පොඩි කොටසක අවස්ථා හා සිද්ධි ගොඩනැගීලා තියෙන විදිහ ගැන ඉහත දී කතා කලා. ඒකෙදී මූලික අවධානය යොමු වුනේ පරිසරය/ කාලය, චරිත හා පසුබිම/සම්බන්ධතා, භාව උද්දීපනය, වාතාවරණය වගේ කරුණු යොදාගෙන තිබුන විදිහ ගැන. ඒකෙදි අපිට නිගමනය කරන්න පුලුවන් වෙන්නේ කතා වින්යාසයක් ගොඩනැගීමේදී එක මූලික ක්රියාවක් පදනම් වීම, හේතුඵල සම්බන්දය, කාලය රේඛීයව ගමන් කිරීම වගේ කරුණුත් වැදගත් වෙනවා කියන එක. ඒ වගේම අවස්ථාව සජීවී බවට පත් කිරීමට දෙබස් යොදාගන්න විදිහත් ගොඩක් වැදගත්. මන් හිතනවා හැමෝම වගේ මේ ෆිල්ම් එක බලලා ඇති කියලා. අලුත් ආර්ටිකල් එකකින් අපි ආයෙත් හම්බවෙමු.
මං බැලුව හොඳම ෆිල්ම් එකක්. ඒත් ආයෙ කවදාවත් බලන්නෙ නෑ. ඒ තරම් දුකයි!
Oww anthima tika balddi marama awul
This is one of the best films out of the recently resealed Sinhala movies.
Yes of course akka