No Country for old men
source
අපි මේ චිත්‍රපටයේ cinematography ගැන කතා කරමු.
Ethan Coen සහ Joel Coen විසින් අධ්‍යක්ෂණය කරන ලද No Country for old men චිත්‍රපටය වෙඩි හුවමාරුවක් නිසා මියගිය මත්ද්‍රව්‍ය ජාවාරම්කරුවන්ගේ මුදල් පිරවූ බෑගයක් රැගත් දඩයක්කරුවෙකු පසුපස මනෝ මනෝව්‍යාධික ඝාතකයකු හඹා යාමක් සිදු කරන චිත්‍රපටයක්. මෙම චිත්‍රපටයේ ආරම්භක දර්ශනය වන්නේ අලංකාර භූමි දර්ශන (Landscape ) කිහිපයක්. මෙයින් ටෙක්සාස්- මෙක්සිකෝ දේශ සීමාවේ විශාල භූ දර්ශනය පෙන්නුම් කරනවා . ඒ සඳහා පුළුල් දර්ශන භාවිතා කර ඇත. එම ප්‍රදේශයේ හුදෙකලා බවද එයින් පෙන්නුම් කරයි. ඉන්පසුව පෙන්වන්නේ පොලිස් නිලධාරියකු පුද්ගලයෙක් අත්අඩංගුවට ගෙන පිටව යන දර්ශනයකි. එම මෝටර් රථය ඈතට ගමන් කරන ආකාරය ඉතා අලංකාර ලෙස කැමරා ගත කර ඇත. මෙම චිත්‍රපටයේ ඇතැම් බොහෝ දර්ශන අවම කැමරා චලනයත් සහිතව කැමරා ගත කර තිබේ. මෙය ප්‍රේක්ෂකයාගේ අවධානය වෙනතකට යොමු නොකර චරිත සහ ඔවුන්ගේ වටපිටාව කෙරෙහි අවධානය යොමු වීමට හේතුවක්. ඇන්ටන් චිගුර් පොලිස් නිලධාරියාගේ ගෙල සිරකර මරා දමන ආකාරය overhead සහ සමීප Knee level කෝණ භාවිතයෙන් කැමරා ගත කරතියෙනවා. ඔහු ලේ තැවරුණු දෑත් පිරිසිදු කරන ආකාරය කණ්ණාඩියක් හරහා ද දර්ශනය වන ලෙස ඉහළ කෝණයකින් රූගත කර ඇත.
ඉන්පසු දර්ශනයක දඩයක්කරුවෙකුට තම ඉලක්කය රයිෆලය හරහා පෙනෙන ආකාරයට එය අලංකාරව කැමරා ගත කර ඇත. කාන්තාරය මැදින් මෝස් ඇවිද යන දර්ශනයෙන් භූ දර්ශනය විශාලත්වය සහ ඒ තුළ ඇති චරිත වල කුඩා බව මනාව නිරූපණය කර ඇත. මෙය extremely long shot එකකි. ලේ පාර හරහා ඇස් යොමු වී ව්‍යාඝ්‍රයා දර්ශනය වන ආකාරය අලංකාර වේ. කාන්තාරයෙහි මියගිය පිරිස අතරින් දඩයක්කාරයා ඇවිද යන ආකාරය ඔහුගේ දණහිසින් පහළ සහ බිම මැරී සිටින පුද්ගලයන් දර්ශනය වන සේ Ground level ආකාරයෙන් කැමරාගත කර ඇත. ගඟ අසල මියගිය පුද්ගලයාගේ දෙපා Frame එකේ මධ්‍යයට වන්නට සහ golden point ස්ථානයෙහි දඩයක්කරු පැමිණෙන දර්ශනය සෙවනලි ද සහිතව ඉතා නිර්මාණශීලී ලෙස රොජෙර් කැමරාගත කර ඇත. මෙම චිත්‍රපටය තුළ දී ප්‍රධාන චරිත හෝ වස්තු frame එකේ center කර රූගතකර ඇත. එම ලක්ෂණය චිත්‍රපටය පුරාවටම දැක ගත හැකිය. චිගුර්, මෝස්, පොලිස් නිලධාරීන් ආදී සියල්ලන්ම විවිධ දර්ශන වලදී පෙන්වන්නේ frame එකේ මැදින් දර්ශනය වන පරිදිය. නිදා සිටින මෝස් ගේ සිරුර මත සෙවනැලි පතිත වී ඇති ආකාරය ඉතා අලංකාර ලෙස overhead ආකාරයෙන් කැමරා ගත කරලා තියෙනවා .
රොජෙර් චිත්‍රපටය පුරාවටම ආලෝකය භාවිතා කර ඇති ආකාරය සුවිශේෂීය. ඔහු වැඩි වශයෙන් දර්ශන රූගත කර ඇත්තේ අඳුර ආලෝකය යන දෙකම භාවිතා කරමින් ඉතා නිර්මාණශීලීව ය. මෙම චිත්‍රපටය පුරාවටම එවැනි කැමරාගත කිරීම් රැසක් ඇත. දඩයක්කරුගේ වාහනය රාත්‍රියේ කඳුගැටය මතට පැමිණි ආකාරය රාත්‍රි අන්ධකාරය සහ වාහනයෙහි විදුලි පහන් වල ආලෝකයෙන් Long shot එකක් ලෙස ඉතා දර්ශනීයව රූගත කර තියෙනවා. දඩයක්කරු ගඟ තරණය කර බල්ලාගෙන් බේරෙන දර්ශනයද shot cut වෙමින් ස්වභාවික පරිසරයේ ආලෝකය මගින් රූගත කර ඇත. නිවස තුළ දඩයක්කරු තුවාල වලට බෙහෙත් දමා ගන්නා දර්ශනයේදී අසල සිටින කාන්තාවගේ මුහුණෙහි ස්වභාවයන් කැඩපතකින් දර්ශනය වන ලෙස දඩයක්කරු සහ ඔහු අසල ඇති කැඩපත focus කර නිර්මාණශීලී ලෙස කැමරාගත කර ඇත. නිවස තුළ දර්ශනයද ජනෙල්වලින් හා දොර මඟින් ස්වභාවික ලෙස පැමිණෙන ආලෝකයෙන් රූගත කර ඇත. මෝස්ගේ නිවසට පැමිණි චිගුර්ගේ ප්‍රතිබිම්බය රූපවාහිනී තිරය මත පතිත වී දර්ශනය වන ආකාරය ද ඉතා නිර්මාණශීලී ලෙස කැමරා ගත කර ඇත. මෙම චිත්‍රපටයේ වැඩි වශයෙන් දර්ශන ඇතුළත් වී ඇත්තේ අක්ෂි මට්ටමේ කැමරා කෝණ සහ ඉහළ කැමරා කෝණ භාවිතා කරමින්ය.
රාත්‍රියේ චිගුර්ගේ මෝටර් රථය පාලමක් පසු කර යන දර්ශනය lines නැමැති සංරචන ක්‍රමය භාවිතා කරමින් යොමු දිශාවක් ද සහිතව කැමරාගත කර ඇත. එසේම චිගුර් වාහනය පදවා ගෙන එන දර්ශනය වාහනයේ බොනට්ටුව සහ ඉදිරිපස වීදුරුව තුළින් චිගුර් ද දර්ශනය වන පරිදි රූගත කර ඇත. ලොකර් එකේ දැල් ආවරණය හරහා අක්ෂි මට්ටමේ කෝණයකින් දඩයක්කරු දර්ශනය වන ආකාරයට රූගත කර ඇත. ඝාතකයා 138 කාමරය දෙසට ඇවිද එන දර්ශනය ඔහුගේ දෙපා පෙනෙන සේ ground level කැමරාගත කර ඇත. එසේම ඔහු දොර අසල සිටගෙන සිටින ආකාරය long shot එකක් මගින් කොරිඩෝවේ lines හරහා යොමු දිශාවක් ද පෙනෙන පරිදි රූගත කර ඇත. එම කාමරය තුළ සිටි පිරිස ඝාතනය කර චිගුර් ඇඳ මත වාඩි වී සිටින ආකාරය රූගත කර ඇත්තේ බිම ඇති විදුලි පහනේ ආලෝකයෙනි. එම ආලෝකයෙන් ඔහුගේ මුහුණේ එක් පසක් ආලෝකමත් වී ඇත. එසේම ඊට එපිට ඇති කාමරයේ විදුලි බුබුළේ ආලෝකය ද එම දර්ශනයේ පැහැදිලි බව සඳහා භාවිතා කර ඇත. අඳුර සහ ආලෝකය මනා සේ සංකලනය කරමින් රොජෙර් එම දර්ශනය ලබාගෙන ඇත. ඝාතකයාගේ සහ මෝස්ගේ මුහුණේ ඉරියව් ආදිය හොඳින් පෙනෙන සේ close up shot භාවිතා කරලා තියෙනවා.
දැනටම ආටිකල් එක ටිකක් දිග වැඩි වෙලා නිසා ඉතුරු කොටස තවත් දවසක අරන් එන්නම්.