නොමියෙන මිනිසුන්
source
1993 වසරේදී තිරගත වුණ "නොමියෙන මිනිසුන්" සිනමාකෘතිය ප්‍රවීන රංගනවේදී සහ සිනමාවේදී ගාමිණී ෆොන්සේකාගේ අධ්‍යක්ෂණයෙන් බිහිවූ නිර්මාණයක්. මේ සිනමා නිර්මාණයට පාදක වෙලාතියෙන්නෙ යුධ හමුදාවේ ඉහළ තනතුරු දෙකක් දරන නිළදාරින් දෙදෙනකුගෙ කතා පුවතක්.
අපේ රටේ යුද්ධය පැවතුණු පසුගිය දශක දෙක හමාර තුළ යුද හමුදාව සහ සෙසු ආරක්ෂක අංශවල රාජකාරී සිදු කරලා මියගිය සහ ආබාධිත වුන තරුණියන්ගේ පවුල් පසුබිම් දෙස බලන විට ඉන් බහුතරයක් දිළිඳු සහ මධ්‍යම පංතික පවුල් වල අය කියලා හොඳින් පැහැදිලි වෙනවා. සෙබලුන් මියගියේ හෝ ආබාධිත වුණේ මව්බිම වෙනුවෙන් යැයි රජයේ උස් හඬින් ලෝකයාට අභිමානයෙන් යුතුව පැවසුවත් සැබැවින්ම ඔවුන් යුද්දෙට ගියේ දිළිඳු ආර්ථික තත්ත්වය නිසා සහ විරැකියාවට විසඳුමක් ලෙසයි. බොහෝ දුරට රණවිරු පවුල්වල දෙමව්පියන් සහ බාල සොහොයුරු සොහොයුරියන්ගේ කුසගින්න නිවුණේ යුද්ධයට ගිය සොහොයුරාගේ පිහිටෙන්.
නොමියෙන මිනිසුන් චිත්‍රපටයේ දී ගාමිණී ෆොන්සේකා නිරූපණය කළේ කර්නල් ජයබාහු ජයසුන්දරගේ චරිතයයි. මේ කතා පුවත විකාශය වන්නේ මේ විදියට. කරන ජයබාහු ජයසුන්දර හමුදා සේවයට එක් වන්නේ සිය තරුණ අවධියේදී. ඒ කාලේ ඔහු එක් පුහුණු පාඨමාලාවක් හැදෑරීමට ඉන්දියාවේ ඌටි ප්‍රදේශයට යනවා. එහිදී ඔහුට ඒ රටේ උසස් යුද හමුදා නිලධාරියකුගේ දියණියක් මුණ ගැසෙනවා. පසුව ඔවුන් දෙදෙනා විවාහ වෙනවා. මෙරටට පැමිණ හොඳ පවුල් ජීවිතයක් ගත කරන ඔවුන්ට පුතෙක් ද ලැබෙනවා. මේ කාලයේදී උතුරේ යුද්ධය ඇරඹෙනවා. මේ හේතුව නිසා කරනුල්ගේ මාමණ්ඩි තුන්දෙනාටම ඉන්දියාවේ පදිංචියට එන ලෙස ඉල්ලා සිටිනවා. ඒත් මෙම අදහසට කර්නල් ජයසුන්දර එකඟ වෙන්නේ නෑ. ඔහුගේ අරමුණ දේශයේ නිදහස වෙනුවෙන් සටන් කිරීමයි.
){kind=link}
මේ හැලහැප්පීම් මැද පවුල් ජීවිතය දෙදරක් ගිහින් ඔහුගේ බිරිඳ සහ පුතා ඉන්දියාවේ පදිංචියට යනවා. කාලය මේ විදිහට ගෙවිල යනවා කර්නල් ජයසුන්දර දැන් මැදි වයසේ පුද්ගලයෙක්. ඔහුගේ සිතේ තියෙන කලකිරීම නිසාම ඔහු මත්පැන් පානයට දැඩි ලෙස ඇබ්බැහි වෙනවා. කරන්නට ගොඩක් හිතවත් තරුණ කපිතාන්වරයෙකු ඉන්නව ඔහු රංජන් බුලන්කුලම. කැප්ටන්ට පෙම්වතියක් සිටිනවා ඇයගේ නම මාරි ඔවුන්ගේ ප්‍රේමයෙන් දකින කරන එයින් අවංකවම යම් සතුටක් ද ලබනවා. මේ අතර යුද මෙහෙයුමක් සඳහා කැප්ටන් මාන්කුලමවලට යා යුතු බව යුධ හමුදාව තීරණය කරනවා. ඒ මෙහෙයුම මාන්කුලම්වල කොටි නායකයා අල්ලා ගැනීමයි. මෙම නියෝගය අවලංගු කිරීමේ හැකියාව කර්නල් ජයසුන්දර සතුව තිබුණත් ඔහු එසේ කරන්නේ නෑ. මේ මෙහෙයුමට කපිතාන් ඇතුළු විශාල හමුදා පිරිසක් යනවා. යුද බිමේ ප්‍රහාර මැද කපිතාන් රංජන් අතුරුදහන් වෙනවා. එසේ වුනත් යුද පුවත් වළින් මාරි සහ කර්නල්ට දැනගන්න ලැබෙන්නේ ඔහු යුද්ධයෙන් මිය ගිය බවයි. එහෙත් යුද්ධයෙන් නොමැරී මරණීය තුවාල ලැබූ කපිතාන් ද්‍රවිඩ වෛද්‍යවරයෙක් යටතේ රහසිගතව ප්‍රතිකාර ලබනවා. මේ බව දැනගත්ත ත්‍රස්තවාදීන් වෛද්‍යවරයා මරා දමා කපිතයන් අත්අඩංගුවට ගන්නවා. මාරි දැන් ගැබිනියක් ඇය එදා කපිතාන් මැරුණෙ නැති බවත් ඔහු යුද සිරකරුවෙක් බවට පත්වී ඇති බවත් දැන ගන්නවා. කර්නල් ජයසුන්දර ඒ ආරංචි නිසා විශාල මානසික පීඩනයකට ලක් වෙනවා. අසරණ වෙලා ඉන්න මාරිට කර්නල්ගේ නිල නිවසෙන් නවාතැනක් ලැබෙනවා. ඇයගේ සියලු ආවතේව කටයුතු සුබ්‍රමනියම්ට පවරනවා. කපිතාන් රන්ජන්ව උතුරේ මෙහෙයුමට යැවීම නිසා මාරි කර්නල් ජයසුන්දරට දෝශාරෝපණය කරනවා. මේ නිසාම සිරගත වූ කපිටන් මුදා ගැනීම තමන්ගේ මූලිකත්වයෙන් කරන්න කර්නල් තීරණය කරනවා.
මේ අතර එල්.ටී.ටී.ඊ ය තමන් භාරයේ ඉන්න යුධ සිරකරුවන්ට නෑදෑයන් දැකීමේ අවස්ථාවක් ලබා දෙන්න තීරණය කරනවා. මේ අවස්ථාවෙන් ප්‍රයෝජන ගත්ත කර්නල් ජයසුන්දර අනාරක්ෂිත ප්‍රදේශයට යනවා. එහිදී ඔහු කපිතාන් සමග කතා කරනලා ඔහු බේරගන්න සියලු කටයුතු සූදානම් කරනවා. කර්නල් එල්.ටී.ටී.ඊ කඳවුරෙන් පිටවෙන්න යද්දී මෙතෙක් වෙලා කොටි කඳවුර වටලා ගෙන හිටි හමුදාවෙන් එල්ල වුණ අපේක්ෂා නොකළ ප්‍රහාරයකින් කර්නල් ජයසුන්දර ජීවිතක්ෂයට පත්වෙනවා. කර්නල්ගේ චිතකයට ගිනි දැවෙන සන්ධ්‍යාවකින් මෙම චිත්‍රපටය අවසන් වෙනවා. මේ චිත්‍රපටයෙන් මෙරට පවතින වර්ගික ගැටලුව පිළිබඳ දර්ශනය වුණත්, ප්‍රේක්ෂකයාගේ මූලික අවධානයට ලක් වන්නේ කර්නල් ජයසුන්දරගේ කතාව සහ යුද පිටියේ දිගහැරෙන වික්‍රමයන් වෙතයි . අපි මේ වගේ තවත් ලස්සන චිත්‍රපටයකින් ඉක්මනටම හම්බවෙමු.