I'm Back Prens😸

මියාව්ව් . හහ් මාව අමතක වෙලා නේද හිටියෙ ඔයාලට. කමක් නෑ කමක් නෑ .ඔන්න මම ආයෙ ආව ඔයාලව බලන්න. පහුගිය කාලෙ කකුල එහෙම කඩාගෙන පොඩි පොඩි කරදර ටිකක් සිද්ද උනා තමයි. දන් නැද්ද ඉතින් පොඩ්ඩ පොඩ්ඩ. මේ දවස් වල නම් මට සෑහෙන වැඩ.මන් තමයි දැන් ගෙදර කට්ටියට වෙලාව එහෙම කියන්න් ඉන්නෙත්. මගෙ කටට බය වෙලා අම්ම උදේම බත් ටිකක් දෙනව.ඊට පස්සෙ ඉතින් දෙයියනේ කියලා පුටුවක් උඩට වෙලා සැපසේ සැතපිලා ඉන්නවා.

හරියටම උදේ 10 වෙද්දි මම ගිහින් අම්මට මතක් කරනවා "අම්මේ දැන් අපි තේ බොන වෙලාව නේද, යන් යන් කුස්සියට කියලා." අම්මත් ඉතින් මාත් එක්ක කතා කර කර කුස්සියට යනවා. අම්ම පොඩ්ඩක් ඉස්සර උනොත් මම බෘන්න් ගාල දුවල යනව. මන් මතක් කරේ නැත්තත් තේත් නෑ තේ එක්ක හම්බෙන බිස්කටුවත් නෑ.

ඉතින් ඊට පස්සෙ ත්මයි වැදගත්ම දේ. වෙන මුකුත් නෙවෙ ආයෙ නිදාගන්න එක. ආයෙ දවල් 12.30 වෙද්දි මන් අම්මට කියනව දවල්ට් බත් කමු කියලා. ඒකටනම් ගෙදර හැමෝම කනකන් ඉන්න වෙනවා. හ්ම්ම් කමක් නෑ දවල්ට කෑවට පස්සෙ ආයෙ මම දොයි.ඒත් මේ තියෙන රස්නෙත් එක්ක ඒක හරී අමාරු වැඩක්. එහෙම කොහෙ හරි වැටිල ඉද්දි මේ මෝඩයා ෆොටෝ ගහන්න ආවම ඉතින්න් පුදුම සන්තෝසයක් මට එන්නෙ🤬.

ආයෙ ඉතින් මට වෙලාව කියන්න තියෙන්නෙ හවස හතරෙ තේ වෙලාවට නිසා ඒ වෙනකන් දකින දකින හැම තැනම වැටිලා නිදාගන්න තමයි මම බලන්නෙ. ඒ අතරෙ ඉතින් අයියා එක්ක පොඩි සෙල්ලමක් දාන්නත් මම කැමතියි. හවස 4 වෙද්දිම මගෙ හෝන් එක ගහල දැන් තේ වෙලාව යන් යන් බිස්කට් කමු කියනකන් මේ කම්මැලි මිනිස්සු ඔහේ ඉන්නව.ඔන්න ඊට පස්සෙ අපි හැමෝම තේ බොනව. ආයෙ ඉතින් රෑ කෑම එනකන් මම දොයි. රෑට කෑම එහෙම කාල ඉදල හිටල දවසක මීයෙක් එහෙම මරල පාපිස්ස උඩ හැමෝටම පේන්න තියනවා .බලන්න මන් කොච්චර හොද පූචෙක්ද. ඉතින් ඔන්න ඔහොමයි මගෙ ලස්සන දවස ගෙවෙන්නෙ. ඉතින් එහෙනම් ආයෙ ඉක්මනට හම්බෙමු කියල මම යනවා. මියෑව්ව්ව්.