How I Spent The Day Yesterday

ඉතින් කොහොම්ද? අද මම කියන්න යන්නෙ අපි ඊයෙ ගිහිපු ගමනක් ගැන. අපි ගියා හරිත් අයිලගෙ ගෙදර. ඉතින් අපි උදේ 9 යට විතර පිටත් වෙලා උදේ 10.15 විතර වෙද්දි එහේට ගියා. ෆස්ට් ඉම්ප්‍රෙශන් එකම සුපියි. මාරම ලස්සන පැත්තක්. ගස් කොලන් වටේම. ඒ එක්කම සනීපෙට හුලගකුත් එනව. ඉතින් වාඩි වෙලා ආගිය තොරතුරු ටිකක් කතා කරලා තේ මේසෙට වාඩි උනා. අම්මො කෑම ගොඩ. පීසත් තිබ්බ.හරිත් අයියගෙ අක්ක තමා හදල තියෙන්නෙ. බෑ නොකිය කෑලි දෙක ගානෙ අක්කයි මායි කෑව. තව ඉතින් තිබ්බ කොකිස් ,කෙසෙල්, මාශ් මෙලෝස් වගේ ඒව ටිකකුත් කෑව.බඩ ෆුල්. ඊට පස්සෙ අඹ ජූස් එකකුත් බීව්ව.මාර රසයි. ඔන්න ඉතින් ඒ ටික ඉවර කරලා ටිකකින් අපි ගියා හරිත් අයියල අලුතින් හදන ගේ බලන්න.

කක්කුට්ටෙක්

ෆොටෝ වල දැක්කට වඩා ඒක ලොකුයි ලස්සනයි. ගේ ලස්සන කරන වැඩ ටික තමයි ඉතුරු වෙලා තිබ්බෙ. ඉතින් ගේ පුරාම ඇවිදල ඉවර උනා. ඊට පස්සෙ අහල පහල නෑදෑයො එහෙමත් හම්බෙන්න ගියා. ඊලගට තමයි මන් ආසාවෙන් බලන් ඉදපු දේ කරේ. ඒ තමයි මාදු ගග ගාවට යන එක. ඉතින් කට්ටියම වාහන වලින් මුලින්ම ගියා පන්සලක් බලන්න.ටිකක් පරන පන්සලක් ආයෙ නවීකරනය කරනව. ගිනි අව්වෙ පඩි පෙල් නැගන් ගිහින් එක පාරට ගස් ගොඩක් හෙවනට අපි සේන්දු උනා. අම්මො ඒ සනීපෙ. පන්සලේ ඉදන් බැලුවම මාදු ගග ලස්සනට පේනව. ඒ එක්කම දූපත් දූපත් වටේටම පේනව. ඈතින් බෝට්ටු වල සංචාරකයො යනවත් පේනව.

ඉතින් පන්සලෙන් ආයෙ අපි පාරට ආව.ඇවිල්ල අපි පිටත් උනා මාදු ගග කිට්ටුවට යන්න. එයාල කිව්ව විදිහට අබලන් උන යකඩ පාලමක් එහෙම තියෙනව මෙගොඩ ඉදන් එගොඩ තියෙන දූපතකට යන්න. ඒ මාම කිව්ව විදිහට ඒ පාලමේ දිග අඩි 1110 විතර. බයිසිකල් විතරයි ඒකෙන් යන්නෙ. යනකොට ඉතින් පාලම් කෑ ගහනව. ඉතින් අපි එගොඩට යන්න පටන් ගත්ත.පාලමට නැග්ගහම තමයි තේරුනේ ඒක කොච්චර අබලන්ද කියල. කොන්ක්‍රීට් කොට වලින් තමා ඇවිදන් යන්න තිබ්බෙ.

මේ තමයි පාලම

තැනින් තැන බිම බැලුවම ලොකු ලොකු හිස් තැන් පේනව. සමහර තැන් වල කොන්ක්‍රීට් පටි නෑ ඒ වෙනුවට ලෑලි කෑලි තියෙන්නෙ. බයික් එකක් එහෙම ගියාම පාලම හෙල්ලෙනව. කොහොම් හරි අපි ඇවිදන් ගියා එහා ගොඩටම. අවුලක් උනේ නෑ .කොහොම උනත් ලස්සන වීව් එක. සුන්දර පරිසරේ එක්ක අපි ගොඩක් වෙලා ගත කරල ආයෙ ආව. ඉතින් ඊට පස්සෙ දවල්ට බඩ පැලෙන්නම කාල හවස් වෙලා ගෙදර එන්න පිටත් උනා. ඉතින් ඔන්න ඕකයි කතාව .තැන්කූ හරිත් අයියේ