පුංචි අපේ බුක් ෆෙයා ගමන

අද නම් මොනා හරි ලියන්නම ඕන. අද අපි ගියා බුක් ෆෙයා එකට. ඊයෙ තමයි බුක් ෆෙයා එක පටන් ගත්තෙ. ඉතින් සෙනසුරාදා නිවාඩු දවස නිසා මමයි මගේ යාලුවො කිහිපදෙනෙකුයි ගියා අපේ විශයට ඕන කරන පොත් කිහිපයක් සහ අපිට ඕන තව තව දේවල් ගන්න. කට්ටිය එක්කම උදේම ඉතින් කැම්පස් එක ලගින් බස් එකේ නැගලා ගියා BMICH එකට. හිතුවට වඩා ගමන ලේසියි.මොකද එක බස් එකෙන් එතනට යන්න පුලුවන්. අද අපේ අක්ක ,හරිත් අයිය සහ එයාගෙ අක්කත් බුක්ෆෙයා එනව කියල කිව්වා. එයාල එක්ක ගියා නම් මොනා හරි කන්නත් තිබ්බ හැබයි.හි හී.

යාලුවො ටික හලන්නත් බෑනෙ. ඉතින් කොහොම කොහොම හරි අපිට ඕන පොත් ගත්තා. කාලයක් තිස්සෙ පෙරුම් පුරපු පොතක් වෙච්ච මහගම සේකරගේ ප්‍රබුද්ද පොතත් ගත්තා. ඒක වෙනමම ලෙවල් එකක කවි පොතක්. ඒ වගේම සන්නස්ගලගේ භික්ෂු පරිච්චේදය කියන පොතත් ගත්තා. වෙනද වගේම මෙ පාරත් පොත් වලට ඩිස්කවුන්ට් තිබුනා. ඒ අතර අක්කත් ආපු නිසා එයා මටයි යාලුවන්ටයි කන්න සැන්ඩ්විච් පාන් එක්ක කට්ලට් ගෙනත් තිබ්බා.උදේට නොකා ඉදපු අපිට ඉතින් ඒක මහ මෙරක්.කට්ටිය එක්ක කැන්ටින් එකේ ඉදන් ඒකත් කාලා බීම එකක් එහෙම බීලා කතා කර කර හිටියා.

ඊට පස්සෙ ඉතින්න් ෆොටෝ ගහන කෙරුවාව තමයි තිබුනේ. මට ලොකුවට වගේ ෆොටෝස් ගන්න ආසාවක් තිබුනෙ නැති නිසා අනිත් අයට එයාලගෙ ෆොටෝස් අරන් දුන්නා. කට්ටියම එකට ඉන්න ෆොටෝස් ගත්තා. හොදටම දවල් වෙලා නිසා මහන්සියි වගේම බඩගිනියි. ඉතින් කට්ටියම ආයෙ බෝඩිම් වලට එන්න පිටත් උනා. මම මගේ යාලුවන්ගෙ බෝඩිමට ආවා.ඇවිත් වෑන්ජන දෙකක් එක්ක බත් එකක් හදාගත්තා. හදාගෙන කට්ටිය එක්ක කෑවා. හොදටම හවස් වෙලා උනත් හොදට බඩ පිරෙන්න කාලා මම ආවා මගේ බෝඩිමට ඒ උයපු කෑම වලින් බත් එකකුත් බැදගෙනම. ඉතින් ඔන්න ඔහොමයි අද දවස ගෙවුනේ.