International day of Sign Language
අද සැප්තැම්බර් 23 ජාත්‍යන්තර සංඥා භාෂා දිනයයි.
සින්දු, සංගීත භාණ්ඩ මගින් එන සංගීත නාද වලට අප කොතරම් ප්‍රිය කරනවාද?
අද වන විට ශ්‍රී ලංකාව තුළ ගායකයන් තෝරන තරග කීයක්නම් තිබේද?
මුළු ලොවම ගීතයෙන් වසඟ කරගත් ඉන්දියානුවන් පවා යොහානිගේ සින්දුවට කොතරම් මුසපත් වී ඇතිද? අද වන විට ඇය මෙරට තුළ පුවත් මවන්නියකි.
සොම්නසේදීත් දොම්නසේදීත්, සින්දුවෙන් සිත පහදවාගන්නන් කොපමණ ඇද්ද?
සමහරු නිස්කලංක වන රොද වල සැරිසරමින් කුරුළු කූජන නාදයට සවන් දීමට පුරුදුව ඇත. වක්කඩක වතුර වැටෙන හඬ, කුඩා දිය පහරක වතුර ගලා යන හඬ මොන තරම් මනහරද?
මිනිසාගෙන් පිටවන හඬ බොහෝවිට භාෂාවකි. භාෂාව, මිනිසා එකිනෙකා අතර සන්නිවේදනයට භාවිත කරයි. නමුත් යමෙකුට සින්දු, සංගීත නාද, කුරුළු හඬ හෝ අඩුම තරමින් තවත් මිනිසකුගේ හඬක් හෝ පණිවිඩයක් නොඇසේ නම් එය මොන තරම් ශෝචනියද?
නමුත් එලෙස හඬක් නොඇසෙන පුද්ගලයන්ට සන්නිවේදනයට, අදහස් ප්‍රකාශනයට සංඥා භාෂාවක් තිබීම කෙතරම් වැදගත්ද?
එක්සත් ජාතීන්ගේ සංවිධානයට අනුව ලොවපුරා මිලියන 70 ක් පමණ බිහිරි පිරිසක් ජිවත් වේ. ඉන් 80% ක් පමණ ශ්‍රී ලංකාව වැනි සංවර්ධනය වෙමින් පවතින රටවල ජිවත් වන බව සඳහන් වේ.
source
නමුත් ඔවුන්ගෙන් විශාල පිරිසක් සංඥා භාෂා භාවිතයෙන් එදිනෙදා කටයුතු මෙන්ම ජාත්‍යන්තර තලයේ කටුයුතු සඳහාද සම්බන්ද වී සිටිති.
අද සැප්තැම්බර් 23 ජාත්‍යන්තර සංඥා භාෂා දිනයයි.
( International day of sign languages)
1951 සැප්තැම්බර් 23 දින ආරම්භ කල world federation of deaf සංවිධානයට සමගාමීව මෙම ජාත්‍යන්තර සංඥා භාෂා දිනය 2018 වසරේදී සිට සමරනු ලබයි.
විශේෂ අවශ්‍යතාවයක් සහිත මෙවැනි පුද්ගලයන් සාමාන්‍ය මිනිසුන් සේ දකිමින් ඔවුන් සමග එක්ව කටයුතු කර අප අසන, ඔවුන්ට නොඇසෙන සුන්දරත්වය විදීමට දායක වෙමු.
ඒ කාරණාව හරි සංවේදීයි.මෙහෙම දිනයක් තියෙන එකත් වැදගත්. මොකද ඒ වෙනුවෙන් වැඩිපුර වෙලාවක් හරි හිතන්න පුළුවන්
ඔව් ඒක ඇත්ත. ගොඩක් වෙලාවට වෙන්නේ එහෙම අයව අමතක වෙන එක.
සංඥා භාෂාවෙන් සන්නිවේදනය කරන හැමෝටම ඒ භාෂාවෙන් මිදිලා තමන් කැමති විදියට සන්නිවේදනය කරන්න ලැබෙන ජාත්‍යන්තර සංඥා භාෂා දිනයක් වේවා කියලා ප්‍රාර්ථනා කරමු.❤
සංඥා භාෂාවකින් සන්නිවේදනය කරන්න පුළුවන් වෙන්නේ තව ඒ වගේමහොඳින් සංඥා භාෂාව දන්න කෙනෙක් එක්ක විතරයි. ඔබගේ ප්‍රාර්ථනාව ඉටුවෙනවනම් ඔවුන්ටත් අපි වගේම සන්නිවේදනය කරගන්න පුළුවන්. 👏