ඇහුම්කන් දීම 2

කලින් ලිපියෙන් මං අපි ළඟට උදව් ඉල්ලගෙන එන යාලුවෙක්ට අපි ප්‍රතිචාර දක්වන ආකාර කිහිපයක් ඉදිරිපත් කරා. ඒ වගේම මං කිව්වා අපිට ඒ අය වෙනුවෙන් කරන්න පුලුවන් පොඩි දෙයක් මං ඔයාලට කියනවා කියලා. ඒ වෙන මොකුත් නෙවේ ඒකට කියන්නෙ ඇහුම්කන් දීම කියලා.
ඔයාලා ඇහුම්කන් දෙන විදිය ඇත්තටම නිවැරදිද?

මගේ පුද්ගලික අත්දැකීමන් මං දන්නවා ගොඩාක් අපේ හිතවතුන් අපිට ඇහුම්කන් දෙන්නේ ඇත්තටම අපිට අපේ ප්‍රශ්නෙකින් ගොඩ එන්න උදව් කරන්න නෙමේ. ගොඩක් අයට අපේ ප්‍රශ්න හුදෙක් විනෝදාස්වාදයක් විතරයි. ඔයාලටත් ගොඩක් මේ වගේ අත්දැකීම් ඇති. අපි විශ්වාසවන්තයි කියලා හිතලා අපේ ප්‍රශ්න ඉදිරිපත් කළාම ඒ අය ඒක අපිට විරුද්ධව පාවිච්චි කරන අවස්තා ඕන තරම් හමුවෙලා ඇති. ගැහැණු ළමයින්ට මේක විශේශයි.
පිරිමි ළමයින්ට කියලත් ඉතින් වැඩි වෙනසක් නැහැ. මතක් කරලා බලන්න ඔයත් කවදාහරි කාගෙ හරි ප්‍රශ්නයක් ඒ කෙනාට විරුද්ධව පාවිච්චි කරලා තියනවද? කියලා.

තවත් මං පුද්ගලික අත්දැකීමෙන් දන්න දෙයක් තමා, අපි, කාට හරි, අපි මූණ පාලා ඉන්න ගැටලුවක් ඉදිරිපත් කරාම එයාලා අපිව ලේබල් කරන එක හා සංසංදනය කරන එක. ඔයාලත් සමහර විට ඒ වගේ අත්දැකීම් වලට මූණ දීලා ඇති. උදාහරණයක් විදියට ඔයා මට කියනවා ඔයා දෙවනි පාරටත් ඔයාගෙ මොකක් හරි විභාගයක් අසමත් කියලා. මේ වගේ අවස්තාවක ඔයා බෝහෝ විට ඉන්නේ බලාපොරොත්තු සුන් වුනු, බිඳ වැටුණු මානසිකත්වයකින් හා ලොකු පීඩනයකින් ආතතියකින් වෙන්න පුලුවන්. ඉතින් මම කිව්වොත් "අපෝ මේ පාරත් ෆේල්ද?", "මොකද ඔයාට වෙලා තියෙන්නේ?", "අපරාදෙ" වගේ දේවල් ඔයා තවත් පහලටම වැටෙන්න පුලුවන්. ඒ වගේම මම කිව්වොත් මම විභාගෙට කලින් දවසේ පාඩම් කරලත් පාස් වුනා ඔයාට බැරි වුනේ ඇයි?", "අච්චර ප්‍රශ්න තිබිලත් අරයා පාස් වුනා මෙයා පාස් වුනා" වගේ තව කට්ටිය එක්ක සංසංඳනය කලොත් ඒකත් ඔයාට ඔයා ගැනම කළකිරීමක් ඇති කරන්න හේතු වෙන්න පුලුවන්.

මං දැකලා තියනවා තවත් අවස්තා වල අපි කාට හරි අපේ ප්‍රශ්නයක් කිව්වම ඒක හරියට පත්තරේ දැම්මා වගේ රට වටේම පැතිරිලා යන එක. සාමන්‍යයෙන් මේ දේ උදව් උපකාර කරන නොකරන කියන දෙපිරස අතින්ම සිදු වෙන දෙයක්.

ගොඩක් මිනිස්සු තමන්ගෙ ප්‍රශ්න තව කෙනෙක් එක්ක හුවමාරු කරගන්න පැකිළෙන්නෙ මෙන්න මේ උඩ මං කිව්ව හේතු තුන නිසා කියලා මගේ දැනුමේ හැටියට මං කියනවා.

1. අපේ ප්‍රශ්නය අපිට විරුද්ධව යොදාගනී කියන බය
2. අපිව විනිශ්චය කරයි කියන බය
3. අපේ ප්‍රශ්නය අපිට උවමනා නැති අය වෙත ළඟා වෙයි කියන බය

තව බය වෙන්න හේතු තියනවනම් මාව දැනුවත් කරන්න.
ඉතින් දැන් ඔයාලට තේරෙනවා ඇති අපි ගොඩක් වෙලාවට ඇහුම්කන් දෙනවා කියල කරන්නෙත් ඔය ටිකම නේද කියලා. මතක් කරලා බලන්න අපි උදව් කරපු කෙනෙක් අපිට පිටු පෑවොත් කියන්නෙ නැද්ද ඒ කාලේ මෙහෙම හිටියෙ, මමයි මෙහෙම උදව් කරලා ගොඩගත්තේ, මමයි අරෙහෙම කරේ මමයි මෙහෙම කරේ, කතන්දර ගොඩයි. මම කියන්නේ ඒක අනවශ්‍ය වැඩක්.

ඉතින් අපි කොහොමද හරවත් විදියට හරි විදියට තව කෙනෙක්ට ඇහුම්කන් දෙන්නෙ?
ඒක ඊළඟ ලිපියෙන් කියන්නම්. තවත් මේ ගැන ලිපි ලියන්නද නවත්තලා දාන්නද කියලා මේ පාරත් මං ඔයාලගෙන් අහනවා.