Tutuquşu balası heç görmüsünüzmü?
Əvvəlki postlarımdan birində qeyd etmişdim ki, heyvansevər bir ailədə böyüdüyüm üçün hər cür heyvanın qayğısına qalmağı sevirəm. Bunlardan biri də əlbəttə ki, tutuquşularıdır. Hazırda evimizdə tam olaraq 10 tutuquşu, hələ 7 dənə də yumurtası var. Onlara yaxşı qulluq edir, vitaminlər və göyərti verir, üstəlik arada hələ çimizdiririk də!!
10 quşdan 6sı hələ baladır və təzə-təzə uçmağı və yemək yeməyi öyrənirlər. İlk növbədə bala quşlar böyüyüb növbəylə qutudan çıxanda müşahidə etmişəm ki, ata quşumuz, yəni Qalubçik bala quşlara qəfəsdəki qabdan yemək yeməyi döyə-döyə də olsa öyrədir.
Artıq sərbəst şəkildə bunu etməyi bacardıqda isə onları digər bala quşlar olan qəfəsə yerləşdiririk. Çox vaxt bir-biri illə yola getməsələr də axır əvvəl öyrəşirlər. Yeganə şikayətim səhər tezdən səslərinin yatmağımıza maneə olmasıdı, amma yenə də o belə adama şirin gəlir, nə edək. :)
Ümid edirəm pişik xoş niyyətlə baxır
Çox yaxşı dostdurlar