Təbiəti qoruyaq. ❤️

Salam çox dəyərli, Steemit Azərbaycan ailəsi.. Necəsiniz? Dekabr ayı da gəldi çatdı. İlin bitməsinə sayılı günlər qaldı..

Ən sevdiyim zaman gəldi demək olar.. Qar da yağsa tam yeni il abu havası gələrdi..Ağaclar da artıq yarpaqları ilə vidalaşdı.. Onlar da qışa tam hazırdırlar.. Ağacları yarpaqları ilə sevirəm, bu cür çılpaq olduqda sanki gözəlliklərini itirirlər.. Ondan olsa gərək payızı ağaclar yarpaqlarını tökənə qədər sevirəm.. Təbii ki qış gəlib də yarpağını təhvil verməyən ağaclar da var.. İndi sizlərlə keçən dəfəki gəzintimizdə botanika bağında çəkdiyim bir neçə ağac haqqında məlumatı paylaşmaq istəyirəm.

🔺Dəmirağac..

Adından da göründüyü üzrə çox möhkəm, dözümlü ağacdır. Bunun üçün körpülərin tikilməsində, telefon və işıq dirəklərinin qoyulmasında, döşəmələrdə istifadə olunur.

Azərbaycanda təbii halda Lənkəran və Astarada bitir. Rütubəti sevən bir bitkidir. Çox soyuq havalara dözümlüdür.. 200 ilə qədər yaşayır..

🔺Tikanlı iydə..

Azərbaycanda əsasən iydənin iki növü yetişdirilir. Bunlar tikanlı və şərq iydəsidir. Tikanlı iydə həm də daimi yaşıl iydə də adlanır. Hər ikisinin meyvəsi yeyilir. Meyvələrinin xüsusi ətri vardır.

🔺Yapon Eriobotriyası..

Əsasən yapon əzgili ilə tanınır bu meyvə.. Bakıda əkilir. Daha çox parklarda bu bitkiyə rast gəlmək olar.. Çox dadlı meyvəsi olur. Meyvəsinin tumu və yarpaqları da faydalıdır.. Meyvəsi qandakı şəkəri aşağı salır.. Tumu da şabalıda bənzəyir.))
Belə,dəyərli Steemit Azerbaijan ailəsi. Bu günlük bu qədər. Təbiəti sevək, qoruyaq.

Görüşənədək, oxuduğunuz üçün minnətdaram.