Steemit Engagement Challenge ||💖💙||Season2, Week #4 ||💚|| My work life and Steemit || club5050. Tələbəlikdən Steemitə...

Salam Steemit.
Gördüyüm qədəri ilə qonaqlarımız var, nə gözəl. Steemit Azərbaycanın ev sahibliyi etdiyi yarışlara vaxt tapdıqca mən də qoşuluram. Bu, son yarışdı, deyilənə görə. Yazmasam olmaz ki. İş həyatı və steemit haqqında yazmalıyam əslində. Əvvəlcə deyim ki, mən tələbəyəm.

İkinci kursu yenicə bitirmişəm. Rəsmi iş yerim yoxdu, ama sizi tələbəllik illərinə aparacam, iş yerinə apara bilməsəm də. Məncə dərs ilinin bir semestri bəs edər. Semestr yeni başlayanda vəziyyət yaxşı olur. Bütün tələbələrin maddi, mənəvi durumu yüksək olur. İlk bir həftə dərsə baxan olmur, bəlkə də mənə elə gəlir. Niyə də belə olmasın, tələbəliyin ləzzətini çıxarmaq lazımdı.

Həyacanlı hissə odur ki, tədris olunacaq fənlərin adına baxırsan, ümumi fənn sayına baxırsan. Say vacibdi, axı sonda imtahan verəcəksən, nə qədər az olsa o qədər yaxşıdı. Təxmini ilk bir ay mülayim gedir, tapşırıqlar olmur deməy olar. Olur əslində, labaratoriya işləri məsələn. Sonra gəlir aralıq imtahanları, ciddi hazırlaşan olmasa da normal keçiririk. Təqdimatlar, aktivlik balları, sərbəst işlər nə bilim daha nələr, nələr. Bunların hamsı semestr sonuna çatmalıdı. Bunlar təkcə bal deyil haa, steemit üçün yazılacaq postdu həm də. Arada olur tələbə yoldaşlarla gəzintilər edirik.

Əgər qrupu bir yerə yığmaq mümkün olsa piknik də edirik.

Həə sonra da gəlir imtahanlar. Böyük problem odur ki, imtahanları düzgün ardıcıllıqla salmaq, növbəti üçün hazırlaşmağa vaxt qoymaq. Sonra qruplaşıb hazırlaşmaq qalır. Qruplaşıb bilirsiz nədi? Heç xoşlamadığım birşeydi, hər kəsin bir biri ilə ünsiyyəti olmur ümumi qrup içində, xırda, xırda qruplar olur.

Hər kəsnən ünsiyyətim olsada, hər imtahana birgə hazırlaşdıqlarım olur, bilmədiklərimizi müzakirə edirik. Ən əsası birlikdə kəsiləcəm deyib ağlayıb, imtahandan keçirik. İmtahan da bir başqa olur. Sualı oxuyuram, haqqında heçnə bilməsəm belə bir vərəq yazıb doldururam. Hər imtahandan sora belə toplaşıb, balların çıxmasını gözləyirik. Ballar çıxana kimi hamı bir birini həyacanlandırır ki, yox ee yazdıqlarımın mövzuya adiyyatı yoxdu.

Sora da sağollaşıb gedirik, heç elə bil tanışlığımız yoxdu. Hər imtahan öncəsi motivasiya verən, imtahandan sonrakı vəziyyətlə maraqlanan, hərdən yüksək bal istəyən səmimi yoldaşlarımız da olur. Tələbəlik nə qazandırdı desələr sayacaq çox nüanslarım var. Elə steemitlə məni tələbə yoldaşım @aybenizmemmedova tanış edib. Artıq doqquz aydır ki, yazıram buralarda. Tələbəlik həyatımda qarşıma çıxanlardan, şəxsi həyatımda olanlardan postlar qururam. Yarışa, məni steemitə gətirən @aybenizmemmedova və steemitdə tanış olduğum @noexcuse1 dəvət edirəm, görək kim qalib olur.😉