Sıradan gün...||club5050

Salam Steemit Azərbaycan, necəsiz? İşləriniz necə gedir? Deməli keçən ayın 28dən televiziya kanallarının tezliyidi, nədi dəyişildi axı. Çox da məlumatım yoxdu nə olan şeydi, niyə dəyişildi. Heç televizora baxan da deyiləm, elə ancaq yanından keçəndə gözucu nə görsəm odu. Evdə 3 televizor var heç biri də göstərmir, düzdü elə çox da baxan yoxdu, ama işləmir deyə hamı televizora baxmaq istəyir.

Axır ki, dünən kanalları yığmaq üçün kimisə tapdıq. Deməli getmişəm həmin şəxsi gətirmək üçün, zəng elədim, dedi işim var, bitirim zəng edəcəm, gedərik. Mənim bu "ağıllı" telefonumda da set gedibmiş, mən də xəbərsiz bir saat aşağı yuxarı gəzmişəm ki, bəs indi zəng gələcək gedəcəm. Axırda bezib bir də zəng edəndə hər şey aydın, mən də günahkar oldum. Nəysə axır ki, bizim televizor da göstərir ama yenə baxan yoxdu. Bu millətə xeyri yoxdu da. Kimin əlinə nə fürsət düşsə vəssalam. 25 manat olan aparat indi 35 manat olub. Deməli bir məntiqi sual verəcəm, əgər rəy yazan olsa digər rəylərə baxmadan öz cavabınızı yazarsız.

Sual
"Bir ər və arvad xarici ölkəyə səyahətə gedirlər. Hər yeri gəzib kilsəyə də baş çəkirlər. Kilsə çox isti olduğu üçün kişi arvadının yelpiyini alıb özünü yelliyir. Keşişin danışığından darıxıb yuxuya gedən kişi yuxusunda görür ki, bunu əli bağlı edama aparırlar. Cəllad baltanı kişinin boynuna endirən anda kişinin əlindəki yelpik boğazına dəyir və kişi qorxudan ürəyi tutur ölür." Bu sualda olan məntiqi səhvi tapın. Əvvəlcədən deyirəm kiçik bir səhv var. Diqqətlə oxusanız tapa bilərsiz. Düzü mən diqqətlə oxusam da tapa bilməmişdim. Sualın qoyuluşuna birdə sualın nədən ibarət olduğuna diqqət edin, sonra deməyin ki sual səhvdi😆. Cavablarınızı gözləyirəm.
Hələlik bu qədər, sağolun. Növbəti posta görüşənədək. ✌️