Kitablar, birdə mən...

Salam Steemit Azerbaijan ailəsi. Necəsiz? İşləriniz necə gedir?
Bu dəfə sizə birbalaca kitablardan danışacam. Bir ələ sığacaq qədər saylı günlər qaldığı üçün rahatlıqla deyə bilərəm ki, 19 yaşım var. Bu illər ərzində heç bir kitab oxumamışdım. Əslində istəyirdim oxuyum amma alınmırdı. Gəlin sizə ilk kitabımı necə aldım onu danışım. Son vaxtlar mütləq bir kitab alıb bu səfərə başlayacağıma söz vermişdim özümə. Bir xeyli qeydlərim var idi amma bilmirdim ilk olaraq hansını alım. Həm də almaq zamanını tuta bilmirdim, hər dəfə bir səbəblə qalırdı. Nəhayət bir gün bacardım. Dostumun dərsdən çıxmağını gözləyirdim. Siz artıq onu tanıyırsız, əgər bilməyən varsa 2ci postdan biraz tanış ola bilər. Bir xeyli boş vaxtım var idi. Bu arada kitab almağı düşündüm və qeydlərimdə olan, nədənsə mənə maraqlı gələn bir, həm də ilk kitabımı aldım.

Bu "Harper Li"nin "Bülbülü Öldürmək" kitabı oldu. Kitab çox maraqlı idi. Hərdən həyacanlandırıcı hərdən düşündürücü hərdən isə əyləndirici olub bəzi hissələri qorxulu həm də kədərli olan bir kitab idi. Bəlkə də bu ilk dəfə olduğuna görə mənə elə gəldi. Ama mən ilk seçimimdə yanılmadığımı dəqiq bilirəm. Kitab haqqında qısa bir şeyləri sizinlə də bölüşüm. Hadisələr ötən əsrin 30cu illərində ABŞ-ın Alabama ştatında cərəyan edirdi. Kitab əslində o vaxtlar çox aktual olan bir məsələyə- irqçilik əleyhinə mübarizəyə həsr olunub. Əsər Amerikanın cənubundakı kiçik, yuxulu bir şəhərdə yaşayan balaca bir qızın dilindən səslənir. Uzun zaman ərzində məşhur kitab olub və sonda 1999 cu ildə ABŞ-ın kitab jurnallarının birgə keçirtdiyi sorğuda "Əsrin ən yaxşı romanı" adlandırılıb. Əslində çox məlumat verə bilərdim ama istəmirəm. Çünki oxumaq isdəyən olsa onun üçün maraqsız ola bilər. Bu ilk kitabım. Artıq ikinci kitabı almışam bu postu paylaşıb gedirəm onu oxumağa.

Elxan Elatlı "Mərtəbələr" romanı məni gözləyir, hələlik sağolun. Özünüzə yaxşı baxın.
Sonda onu deyim ki, 100ə yaxın kitab qeydim var və tez tez bu say artır. Zamanım yetincə hamısını oxuyacam. Siz də öz oxuduğunuz bir kitabı desəz çox şad olaram. Mütləq oxuyacam. Dediyim kimi, gözəlliklər paylaşdıqca artır, artır və dərinləşir. Gözəllikllərlə qalın dostlar😉