Steemit Enagement Challenge ||💚||Season2, Week #1 ||💚|| 🛫🌏 Your travel manager ✈ Quba, Azerbaijan

Dəyərli insanlar sabahınız,günortanız, axşamınız və gecəniz, xeyirli olsun. Bu postu oxuyarkən ola bilsin ki, hansısa regionda hələ də səhər, günorta, axşam vəya gecədir. O cümlədən bir sözlə hər vaxtınız xeyirli uğurlu olsun...😍 Dostlar Steemit Topluluğu axı böyük topluluqdur. Demək olar ki, Dünyanın hər bir qarışında Steemitsevərlər var. Əvvəla Steemit rəhbərliyinə bizi dəyərləndirdiyi üçün dərin minnətdarlığımı bildirirəm. Həqiqətən xəyal varsa, xəyala doğru məqsədddə vardır, Məqsəd varsa, məqsədə doğru səylə, əzmlə çalışmaq da vardır. Əzmlə, zəhmətlə çalışmağın qarşılığında alacağın nəticəyə, dəyərləndirməyə yetişmək də vardır. Və Qrup, komanda olaraq biz bunu etdik. Dostlar əslində ad çəkmək istəyirəm amma bəzi səbəblərdən ümumi deməyi üstün tuturam. Ona görə də, bu uğura nail olduğumuz üçün #steemitazerbaijan -ın şəxsi heyətini təbrik edir və dərin minnətdarlığımı bildirirəm.❤️ Az-çox, kimin gücü nəyə çatdı və verdiyi dəstək indi bizim uğurumuzun bariz nümunəsidir. Çox üzr istəyirəm bir balaca gec qoşuldum. Napayım, Mizacım böyle😉😂 Universitet vaxtı imtahana bir gün qalmış hazırlaşan tələbələrdən olmuşam🤦🏻‍♂️ Bir balaca tənbəlliyim var.. Kusuruma bakmazsız. Nəisə dostlar söhbəti çox uzatmadan keçim əsas məsələyə. Azərbaycanımızın Sumqayıt şəhərində doğulub boya-başa çatsam da, əslimiz ta Şimala gedib çıxır. Yəni Quba şəhərinə. Əsli danmaq olmaz. Doğrusu Quba haqqında biliklərin kasaddır, dədə-babadan yadımda qalanları Sizinlə bölüşəcəyəm. Ümid edirəm razı qalarsız.

My Friends lets go to My City😉 Bura Quba şəhərinin giriş qapılarıdır. Bu girişə Bakı-Quba yolu da deyirlər. Digər tərəfdən Xaçmaz şəhəri istiqamətdən Quba şəhərinə giriş də vardır. Yolumuzun üstü bura olduğu üçün buranı qeyd etdim.

• Quba qədim şəhərdir.Paytaxt şəhərimiz Bakı şəhərindən 168 km məsafədə yerləşir. Quba dağlıq şəhərdir. Böyük Qafqaz sıra dağlarının yüksək zirvələrindən olan Şahdağın şimal-şərq yamacında yerləşir. Qudyalçay sahilini Quba şəhərinə həvalə edib və Quba şəhəri dəniz səviyyəsindən 600 metr yüksəklikdə yerləşir. Əsası XV əsrdə qoyulmuşdur.Tarixi haqqında çox dərinə getməyəcəm. Ümumi olaraq bir şeyi də nəzərinizə çatdırım, hər şeyi desəm daha gəlib-gəzməyin dadı qalmaz. Bir balaca intizarda saxlamaq da lazımdırki, marağınız olsun.

Şəhərə girişdə bizi ilk qarşılayan bir əlində qalxanı, digər əlində sivri uclu kəskin iti qılıncı, başında dəbilqəsi və əynində zirehli platarı olan qədim döyüşçü olur... Dostlar bu qurutmaq üçün deyildir. Qonağı qarşılamaq da lazımdır axı. Döyüşçü paltarında olduğunun səbəbi xalqımızın dözümlü, yuxa ürəkli olduğu kimi döyüşçü ruhu da vardır. Bir növü mərdlik rəmzidir.

Ana Babamın evinin qarşısında belə bir gözəl məsciddə var. Cümə məscidi adlanır. Uşaq vaxtı bu məscidin minarəsinin necə tikildiyinin şahidi olmuşam. Mövzu məscidə gəldisə onu da qeyd edimki :

• Quba şəhərində əsas din olaraq İslam dinidir. Ümumilikdə dini tərkibi nəzərə alsaq, Quba şəhərində müsəlmanlar, xristianlar və yəhudiləri qeyd etmək olar.

• Quba şəhərində yəhudi millətinin yaşadığı yerin bariz nümunəsi - Qırmızı qəsəbə. Qudyalçay bir sahilində Quba şəhəri, digər sahilində isə Qırmızı qəsəbə yerləşir. Qırmızı qəsəbə haqqında link:

link

• Quba şəhərində azərbaycanlılar, tatlar, ləzgilər, ruslar, qrızlar, xınalıqlılar və başqa xalqlar yaşayırlar.

• Bu isə Qubada qədim hamamdır. Rəhmətlik Babamla buraları çox gəzərdik. O texnikumda Biologiya müəllimi olub. Bəlkə də, təbiətə belə tez isinməyim, rəğbət bəsləməyim o səbəbdəndir...Dayım uşaqları ilə hərdən zarafatlar edərdik. Buranı görəndə "O olmasın, bu olsun" filmi yadıma düşür.😍

• Bu fotolar Quba şəhərindəki Nizami Gəncəvi parkındandır.

• Bu pilləkənlərin istiqaməti Qırmızı Qəsəbəyədir. Yəni pilləkənlər Qırmızı qəsəbəyə keçid etmək üçün Qudyalçayın üzərində inşa edilmiş körpüyə qədər uzanır.

• Dostlar nə etmək olar insan əməyi olan dəmir konstruksiyalı karusellərimiz olmasa da əvəzində belə gözəl, təbiətin bizə bəxş etdiyi təbii karusellərimiz var. Aşağıdakı fotolar isə Qubanın Afurca, Firiq və Qonaq kəndindən xırda nümunələrdir.😍

• Təngialtı dərəsində Qaçaq Mayılın mağarası...

• Quba Şəhərimiz xalçaçılığı ilə də məşhurdur. Məndə orginal fotolar olmasa da sağ olsun google köməyimə çatır. Qonaqkənd xalçası. Quba xalçaları haqqında ətraflı məlumatları aşağıdakı linkdən öyrənə bilərsiz.👇

link

link

• Çeşidbəçeşid Alma yemək istəyən Qubaya gəlsin😉 Fotonu Photo Collage proqramı ilə düzəltmişəm. Postun çox geniş olub, yorucukuöun qarşısını almaq üçün...

• Posta sonluq olaraq bu şəkil ilə nöqtə qoymaq istəyirəm. Dostlar əslində yazmağa sözlər,yerləşdirməyə fotolar çoxdur. Ən yaxşısı Sizi maraq dairəsindən çıxarmamaq üçün biraz intizarda saxlamaqdır.Ümid edirəm ki, postum pis alınmayıb...Hələlik bu qədər. Azərbaycanımıza səyyahət etməyiniz ümidilə hələlik. ALLAHA əmanət olun. AMİN İNŞƏƏALLAH 🤲

• Dəyərli Steemit üzvləri belə bir fikrimi də nəzərinizə çatdırım. UCA ALLAHIN yaratdığı hər şey gözəl və əvəzolunmazdır. Elə region varki, daima istidir, su dərinlik üzünə həsrətdir, elə region da vardirki, daima soyuq, boran, şaxta , külək ilə əhatələnib isti nədir bilmir. Bəlkə də sizə qəribə gələcək, amma hərəsinin özünəməxsus gözəllikləri vardır. Dostlar hər şeydə bir xeyir vardır. Əziyyət çəkib oxuduğunuz üçün minnətdaram. ALLAH Sizdən razı olsun postlarınız bol steemli olsun. AMİN İNŞƏƏALLAH 🤲
• *** Post üçün fotoların toplanmasında Mənə göstərdikləri dəstəyə və etdikləri köməyə görə Dayıma və Xalamoğluna dərin minnətdarlığımı bildirirəm...***