The Diary Game -Better Life Season 3 - 22.08.2021. Qanlı bazar günü. Maa dəniz verin.

Səhər saat 5-də oyanmaq və qərarlıyam. Arıqlayacam. Həm də tez oyanmaqla yatmışlardan azı 3 saat daha çox həyatın dadını çıxarmış oluram. Nənəm deyirdi ki, az yatın, a bala, onsuz o dünyada bütün günü yatacaqsınız. Əgər varsa o dünya. Arvad konkret məni dinsiz, imansız böyüdürdü. Bu da sonu. Cahil olduk, kafir olduq. Bu işıqlı dünyada daha çox yaşamağa səy göstərən adamam. Cənnət qəbizləri satanlara da "hörmətimiz" var, eyvallah.
Dedim axı, artıq çəkidən əziyyət çəkirəm. Nə yaşım var ki, 83 kq çoxdur. Sümüyüm də ağır deyil ki, bəhanəm olsun. Artıq özümə söz vermişəm ki, səhərlər qaçış edərək kilo atacam. Və ilk gün. Qanlı bazar səhəri və mən alatoranlıqda dəniz kənarına sarı qaçmağa başladım...

Belə bir park ilə qaçmayasan nə edəsən? Hamı bilir də parkın adı nədir? Təkrara ehtiyac yoxdur anladığım qədər. Ölkədə bir dənə park var, qutardı. Nöqtə. Palma ağacı olan hər yer gözəldi, bu Sumqayıt olsa da.

İlk gün olduğu üçün hərdən dayanıb nəfəs alırdım. Sizlər yatanda artıq mən Xəzərin sahilində idim. Günəşin çıxmağına az qalmışdı. Anı yaşamaq üçün bir iki foto çəkdim. Balıqçıların da səhərin gözü açılmadan balığa gəlməsi də bir aləmdi.

Və balıq tutanlar. Balıq tutmaq insanın əsəblərini sakitləşdirir deyirlər, test etməmişəm. Çox sakit adamam😉

Günəşin dənizin içərisindən yavaş-yavaş boylanmasını izləmək qədər zövq aldığım ikinci bir zad yoxdur. Fonda da Eyyub oxuya, "Maa dəniz verin"

Evdən bura qədər qaçmışam, azı 2 kilometr. Suyun içində idim. Hərdən özümə deyirdim ki, mənə lazımdır bu? Öl öldüyün yerdə, zıbar yat da. Arıqlayacaqmış. Allah öldürsün məni, steemit insana hər şeyi öyrədir. Arıqlamağı da, qaçmağı da, fotolar çəkib post yazmağı da.

Yazı bir az uzun olacaq, əgər məhsulunuzun daha tez satılmağını istəyirsinizsə, sizin burada reklamınız ola bilərdi. Olmayıb. Steem atarsız, həll edərik.

Dəniz kənarı insanı o qədər sakitləşdirir ki, yazı ilə ifadə etmək çox çətindir, səs atıram, imkan olsa dinləyərsiz. Günə bu cür başlaq insana çox gümrah edir, həvəsli edir. Düşünürəm ki, zamanla Steemit Azerbaijanın sıraları genişlənər, səhər gəzintiləri təşkil edərik. Yazım buralara yaddan çıxmasın.

Bu dayı keçən qışdan yaddan çıxıb qalıb, əlimi qoydum çiyninə bir sağlıq dedim, sən güclüsən ya mən? Dili olsa mən deyərdi.

Maraqlı heykəllər yaradıblar, insan taleləri qədər maraqlıdır heykəllər, hərdən düşünürsən ki, canlı olan onlardı. Daşlaşmış insanlar, daş yuxular.

Xeyli kalori yandırdım və adminin kasıb səhər yeməyi. Çörəyi də azaltmışam. Çörəksiz də qala bilmirəm.

Sizin gününüz indi başlayıb yəqin, mən günü bitirirəm. Sizlərdən 3 saat da artıq yaşamış oldum bu işıqlı dünyada. Qalın sağlıqla, mənə rəylərdə arıqlama resepti atana 1 steem hədiyyə, arıqlayandan sonra verəcəm. (O arıqlamadı.)

@revan746 ilk cəhd.