The Diary Game Better Life || Club5050|| Night life. Gecə qara, cücə qara

Bekar olan kimi girib facebookda və Youtube-də eşələnən adamam. Mənim üçün Azərbaycan qaqa tipində və gələcəyi "nə olar, olar" deyib özünü açıb buraxan, ancaq meyxanaya qulaq asan məxluqatdan o tərəfə keçmir. "Hər şey sosial şəbəkə üçün" devizi ilə yola çıxıblar elə bil. Tik-toku bir aləm, instagramı bir aləm. Vaxt gələcək Steemiti də bu günə qoyacaqlar, hələ azərbaycanlıların Steemitdən xəbəri yoxdur. Biz özümüz üçün burda cızma-qara edirik.

O gün bir qardaşın şəklini paylaşıblar ki, cavan getdi, belə oğlan idi, elə oğlan idi. Hamı nəsə yazır, o ağlayan smayliki də atırlar. Dərdin dərdimdir zad. Sonra ora babat şərh yazan birinə yazdım ki, bəs o qaqaş kimdi? Dedi tanımıram, hamı yazırdı məndə yazdım. Hə, baxın budur mənim qara kurtkalı tiplərim. Huya-küyə gedib söyüş söyənlər, yıxılanı baltalayanlar. "Nəsə gündəm olsaydı gedib şərhdə kimisə söyərdik" deyə düşünən tiplərlə doludur sosial şəbəkələr. Çox qorxulu və yönünü sapdıraraq hər zaman hardasa mənfi hadisələrə səbəb olacaq cahil bir kütlə var.

Məni daha səs-küylü ortamlar çəkmir.(qocalırıqmı nə oldu bizə?) İndi nələrsə yazıb fikrimizi anladacaq bir kürsü lazımdır bizə. Bu niyə Steemit olmasın?

Aylı gecə, sərin külək, göy çəmən
Bir Steemit, sevən ürək, bir də mən.

Steemit elə bir yerdir ki, bəlkə də mənə inanmırsız, vaxt gələcək hər kəs burada olacaq, Steemitdən də yaxşı platformalar üzə çıxa bilər, mütləq də çıxacaq. Bizlər burada öz yerimizi almalıyıq. Zaman ilə ayaqlaşmaq lazımdır.

Marşurtlarda keçən ömür ilə zamanla necə ayaqlaşaq?

Köhnə və hamının bildiyi lətifədir. Molla Nəsrəddin gölə maya salır e "ya tutarsa"? Lətifəni yazsam yazacaqsın hamı bilir, köhnə temadır, yazmasam da deyəcəksiz, oxu atıb yayı gizlətmisən. Adam qalır haça-paça.

Gecə qara, cücə qara məsəli necə yaranıb bilmirəm amma bizim gecə düşüb şəhərin canına foto çəkməyimiz də var.

""Hər yan manyak doludur, hadi tutalım zad.""

Sonunu bir az qəmli bitirək... Həyatda tək özünüz, inanın özünüz. Siz olmasaz dünya yoxdur, inanın yoxdur. Özünüzün qədrini bilin.
Kimdənsə mədət ummayın, nə sadiqlik, nə dostluq. Hamısı bir yerə qədərdir. Bir yerdən sonra hər şey olmamış kimi, yaşanmamış kimi yox olub gedir.

Özünüzü hər şeyə hazırlayın, səhər işə gedəndə düşünün ki, bu gün son günüm ola bilər, istefa verə bilərsiz. Yaşamaq eşqi gətirən işlərlə məşğul olun. Mütləq.

Biri gəlib Bəxtiyarın Şam şeirini yazacaq şərhə, " şam yanmasa yaşamır zad"
Ə duuuur....*

Steem alın, bizimlə qalın

@steemcurator01