❤Club100🦾 || THE DIARY GAME Better Life// Dağlar, sizə sözüm var. // 16.04.2022

Deyir, bəzən hər kəs ehtiyac duyur ki, ona maraqsız, nə bilim dəxlisiz olan hekayələr danışsınlar. Yəqin sizin də elə günə düşdüyünüz hallar olub. Məsəli @isa545 dən uzaq, bugün mənim o günüm idi. İsa ilə yaxın qalırıq, balkondan bərk qışqırsam eşidib səsimə səs verər, amma eldən-obadan ayıbdır. Telefon ilə əlaqə saxlayıb axşamlar gedirik gəzməyə. Hər dəfə də mövzu Steemit ilə başlayır masonlar, yaradılış, böyük güclər zad ora qədər gedib çıxır. Biz kitab adamıyıq, bizimki tutur. Hər birimiz ağzımızı açmamışdan bilirik ki, nə deyəcək İsa və ya mən. Belə bir əndirəbadi cümlə. Bayaq zəng etdim ki, gedək Heydər parkında gəzək. Bu şəhər ikimizə dar zad.

Mən deyirəm ki, gündəlik həyatımızdan yazaq, paylaşaq İsa gülür, deyir mən yaza bilmirəm elə, bizim həyatımız kiməsə niyə maraqlı olmalıdır ki? Haqlıdır, amma və lakin dünyada ağıllı və düzgün, kefiyyətli şeylərə kimsə qiymət vermir axı, nə edək?

Parkı o baş, bu baş gəzdik və sonda qərara aldıq ki, həyat qısadır, yaşamaq lazımdır.

Bu uşaqların dünya nə vecinə, onların dərdi oyun dərdirdir, xırda şeylər ilə xoşbəxt olan yaşlarıdır. Əslində böyüklər də xırda şeylərdən xoşbəxt olurlar, sadəcə o xırda şeyləri görməyə vaxtları olmur.

Anarın Zauru, Təhminəsi bu binadan ev alıb. 6-cı mərtəbədə təmir gedir. Qocalmasa idi, indi daha yaxşı yazardı o əsərini. Bizim də bəxtimizə Anarın sovetdə yazan vaxtları düşüb. Əcəb müasirdi mənim qardaşım. Sabah da bir daş düşə başımıza yadplanetlilər işğal edə Yerimizi. Bizim də anamız, atamız olub, bostanda əmələ gəlməmişik biz, Manaf da əlində təsbeh içəridən çıxıb. Mənim də bir təsbehim var, İsa hədiyyə edib. Elvin Paşa da deyir, "Haydan gəlib, huya gedirik, buna da şükür, buna da şükür".