Yurdumun şəfalı bitkiləri.

Axundovun müsyö Jordanının sözləri yadınızdadı? Torpağınız şəfa mənbəyidi, böyük bir əczaxanadı, demişdi. Düzdü, Qəbələ haqqında deməmişdi, amma bura gəlsəydi 100 faiz bizim haqqımızda da deyərdi.
Həqiqətən yurdum böyük bir aptekdi. Tanıdığım və tanımadığım şəfalı bitkilərlə zəngindi. Məsələn, bu nanədi. Ürəyin dərmanı.

Bu isə dazıotudu. Yadımdadı, uşaq olanda bunu yığıb qurudub satardıq. Hətta qardaşım puluna velosiped də almışdı. Sarı çiçək deyirdik. Əsəb sakitləşdirici təsiri var. Andepressionatdı.

Bu isə razyanadı. Razyanaya biz qoqaliçi də deyirik. Şorqoğalı bişirəndə toxumlarını əzib yağla qarışdırıb içlik düzədirlər.

Bu dəfnədi. Bizim yerlərdə çətin bitir dəfnə. Borşun canıdı, turşuların da. Ümumiyyətlə, dəfnə biz tərəflərdə aristokrat bitki hesab olunur. Mən də çox əziyyətlə bitirdim onu.

Məncə, aptekə getməmişdən bir yerə yurda baxıb düşünək. Daha effektli, daha ucuz, daha orqanik))