#club5050 The Diary Game : 30.10.2021 - Başlıq tapa bilmədiyim post.

Salam, hər vaxtınız xeyir olsun. Günlük post yazmadığım min il oldu. Axır ki, şeytanın qıçını qırıb bir şeyləri dəyişmək qərarına gəldim. İlk öncə sağlamlıqdan başlamalı olduğumun fərqinə vardım nəhayət. Səhər Gülaya deyirəm ki, baş ağrısı ilə bağlı bir post yazmaq istəyirəm. Çəkdiyin bir şey varmı? Deyir, var. Bu şəkli mənə atır.

Əslində kiçik bir xoşbəxtlikdi. Bu xahişə bu cavabı almaq. Sözün birini qoyub birinə gedim. Bibim rəhmətliyin baş ağrıları olan idi. Keçmiş "ikarus" avtobuslarının dövründə Bakıya gedirmiş. Yanında da bir şəhərli xanım. Tez tez başını tutub dururmuş o xanım. Bibim də deyər ki, a bacı, deyəsən, sən də mənim kimi başdan xarabsan. Yəni başın ağrılıdı mənasında. Bu söz xanıma güllə kimi dəyər. Bibim də şəhəri tanımırmış. Uşaqları Müşfiq qəsəbəsində bunun qabağına çıxası imişlər. Xanıma deyir, Müşfiqə çatanda mənə deyərsən. Xanım acığa düz 20 Yanvarda bibimə deyir, di düş, get:) Ona bənzəməsin, başımı möhkəm soyuqlatmışam. Guya çox əlləşdim ki, özbaşına keçib gedəcək. Keçmədi. Nəhayət bu gün həkimə getdim. Bu da bu😐

Evdə məni təmizləyəndə yarımçıq qoyduğum heyvalar gözləyir. Mürəbbə bişir deyib ölən heyvalar. O qədər çox gətirib ki, böyüməyə imkan tapmayıb.

İş bir yana dursun, soyuqlama da. Başımı ağrıdan artıq kafamın almadığı xəbərləri qəbul etməkdi. İmişlidə bir alçaq 11 yaşlı ögey qızını zorlayıb. 11 yaşlı qız hamilə qalıb bir uşaq dünyaya gətirib. Bu xəbərin şokunu atlatmamış ikinci şok. Qızın anası şikayətçi deyil. Yox, mənim başım düzəlməyəcək. Qadın bir dılqır uğruna qızını qurban verir. Bunu qəbul eləmək mənim kafamın işi deyil. Övlad nemətdi, onu qədrini bilənə ver, ilahi.

Daha başınızı ağrıtmayım. Bizimlə qalın, steem alın zad. @nurengizbagirova