90'lara səyahət :)

Hər kəsə salam. Bu gün, nəhayət, həftə sonu dərslərin olmamağından fürsət tapıb, uzun müddətdir getmək istədiyim məkana baş çəkdim. Düzü, bir ildən çoxdur kəşf etmişəm, amma kiminlə gedəcəyimi bilmirdim. Və bu qərarsızlığa son qoyub, tək getdim.)

İlk dəfədir getməyimə baxmayaraq, elə bir abu-havası var idi ki, sanki daha əvvəllər də burada olmuşam. Fərqli interyerə sahib, səs-küydən uzaq bir məkan... Fikrimcə, məkanın ən gözəl və rahat yerlərindən birinə əyləşmişdim.😁Musiqilərinə isə söz ola bilməz. İnsanın ruhunu oxşayır😇
Hətta istəsəniz, dostlarınız, yaxınlarınızla birlikdə gedərkən domino, şaşki və s oyunlar oynaya bilərsiniz. Mən tək olduğum üçün belə bir şansım olmadı.😅
İçəridə pianoda ifa etməyi bacaran qonaqlar üçün piano da mövcuddur.

Yeməklərinə gəldikdə isə mənim sifarişim isti və dadlı idi. Servis də səliqəli idi. Bəyəndim.) Əlavə olaraq,müəyyən günlər 19:00'da "şam gecələri" təşkil olunur. İşıqlar sönür, yalnız şam və lampa işığı olur. Necə də gözəldir,elə deyil mi? Hər şeydən uzaq, şam işığında səmimi söhbətlər və isti çay...
2003'lü olaraq 90'lara bir günlük səyahət etdim. O qədər sevdim ki, daimi müştərisinə belə çevrilə bilərəm.)Əsas odur ki,başlanğıcı etdim.

Fərqli məkanları sevənlərə, özəlliklə mənim kimi retro sevənlərə "90'lar cafe"yə mütləq baş çəkmələrini tövsiyyə edirəm :)
Vaxt olduqca, bəyəndiyim və belə fərqli məkanlara gedib,sizinlə bölüşəcəm. Oxuduğunuz üçün təşəkkürlər, gələn postlarla görüşənədək 😊