TƏKƏRƏ DÜŞMƏK 😊

Azərbaycan dilinin frazeologiya lügətində "təkərə düşmək" ifadəsi belə izah olunur: - bir anlığa nə baş verdiyini dərk etməmək, tutulub qalmaq; söhbətin nədən getdiyini başa düşməmək; ~ söhbəti tutmamaq.

Mənim Qazaxıstana getməyim network marketing sahəsi üzrə oldu. Rus dilində normal olaraq ancaq Привет və Как дела? sözlərini bilirdim. )). Söhbət 2018-ci ilin fevralından gedir. Komandama feyzbukdan tanış olub qeydiyyat etdiyim ilk nəfər artıq məni başa düşürdü yarımçıq ifadələrimdən)). Amma, gündən günə böyüyən komandaya prezentasiya, həftə iclası və.s lazımdır. Nə isə bir azərbaycanlı ilə tanış olduq. Bu nəfər komanda üçün mənim dediklərimi rus dilinə çevirirdi.

İlk izah etdiyim şeylərdən biri "təkərə düşmək" idi 😂. Çünki neqativ elə bir şeydir ki ona yoluxmaq çox asandır, amma pozitiv şeylərə köklənmək adamda bir çox müsbət keyfiyyətlər tələb edir. Yeni nəfər ikən gündə gedib marketing planını dost-tanışlarına tək başına izah etmək istəyərkən, tam mənfilənib geri dönənlərə bu təkərə düşmək ifadəsini xatırladırdım. Amma, ofisdən çıxıb yenə plansız hərəkət edərdilər. Mən də yeni nəfərlər təkərə düşməməyi üçün bilikləndirməklə yanaşı digər kreativ yollar düşünürdüm.

Bir gün belə gətirdi ki, Karaqanda şəhərində yol üstü işim olduğu üçün Almatıdan Astanaya (Nur-Sultana) təyyarə ilə deyil, taksi ilə gedəsi oldum. Bir neçə min km-lik yol taksi ilə 20 saata yaxın vaxtda qət edilir. Bir neçə şəhərdən keçməli olursan. Balxaş şəhərinin yaxınlığında (Balxaş gölü eşitmiş olarsız) kafedə yemək yeməli olduq. Ucsuz-bucaqsız çölün ortasındakı kafenin yanında bu böyük təkərlər nəzərimi cəlb etdi. Vaxt itirmədən bu təkərlərlə selfi çəkdim 😀. Bundan sonra işim nisbətən rahatlaşdı. Bu böyük Təkərlərlə olan şəkli iş votsapımda profil şəkili etdim. Bundan sonra bir nəfər şikayət yazmırdı. Çünki, profil şəklimdə tez təkərləri görübən başa düşürdü ki, onu təkərə salıblar, təkərdədir. Çıxmalısan təkərdən, davam etməlisən. Necə deyərlər только вперёд!