Yağışlar, bizə bu həsrəti bağışla.
Salam, sabahınız xeyir. Yağış, sevgi, həsrət, hicran. Göz yaşları.Ayrılıq. Göyün üzünü alan qara buludlar.
İnsan oturduğu yerdə nələri fikirləşir. Nələrə anlam verir. Şahanə bənzətmələr edir. Yağışlı günlərdə həyət bacaya çıxmaq olmur, iş görmək olmur, insanın özü ilə bekarcasına baş başa qalmaq imkanları çox olur. Bu qədər bəsit. Şairləri, yazıçıları da qınamıram. Çünki çörəkləri o bənzətmələrdən çıxır:) Göy üzünün dağılan buludlarını artıq həll olunmaqda olan problemlərə - zada:)
Bu il iqlim o qədər tərsə məzhəbdi ki. Yayda günlərlə yağış yağmadı. Ağaclar tamamilə quruyub sıradan çıxandan sonra başlaqı yağmağa. O şeirdəki kimi: "yağış yağar Muğana hey gərəksiz gərəksiz."
Yağış küçələrdə naxışlar çəkib. Bəzəkli, düzəkli.
Kənd küçələrinin vizit kartıdı bu gölməçələr. Olmazsa olmazı. Küçələrə su səpmişəm, yar gələndə toz olmasın:)
Oxuduğunuz üçün təşəkkürlər.