Baş rolda özüm.

İlk yazımı özümə aid olan film sahəsi ilə əlaqədar yazmaq istədim.Sonra düşündüm ki,ilk olaraq özümü oxuculara təqdim edim.
Mən Rəhimov Kərim rejissor,ssenarist və montajor kimi fəaliyyət göstərirəm.İyirmidən çox qısametrajlı filmlərim var.

Hər bir işdə uğur qazanmaq üçün çalışmaq lazımdır.
Mən də ilk olaraq bir iki dəqiqəlik həvəskar videolar çəkərək başladım.

İllər ötdü artıq festivallara qısa film çəkərək qoşulmaq qərarına gəldim.
İlk dəfə "Bakı Oskarı" adlı festivala qoşuldum.Festivalın qaydalarına görə 70 film içindən finala sadəcə 10 film seçiləcəkdi.Qalib olmadım amma finala vəsiqə qazandığıma görə diplomla mükafatlandırıldım.Dayanmadan öz üzərimdə işləməyimin nəticəsiz qalmayacağına inanırdım.

İdeyalarımın daha dərin olması üçün kitablar oxuyurdum.Çəkiləcək səhnələri öncədən düşünürdüm və mənim imkanlarıma görə düşündüklərimi maksimum dərəcədə gözəl lentə almağa çalışırdım.Bunun üçün çoxlu filmlər izləmək lazım idi.Tanınmış eyni zamanda tanınmamış rejissorların,ssenaristlərin və montajorların işlərini izləyərək bəzi səhnələrdə olan hissləri izləyicilərə çatdırmaq qaydasını mənimsəməyə çalışırdım.

Film çəkmək mənim üçün bu işə olan xüsusi sevgimdir.Hər nə qədər çox işləsəm belə yorğunluq hiss etmirəm.Çalışıram ki, bütün heyyət çəkiliş məkanında olduqları son ana qədər maksimum dərəcədə çoxlu rakruslardan kadrları çəkim.Bu həm çəkilən qısametrajlı filmin keyfiyyətinə və montajorun işinin gözəl alınması üçün vacib məsələlərdən biridir.
2020 ci ildə "Booktrailer" festivalı üçün çəkdiyim və 3 cü yerə layiq görüldüyüm videonu izləməyiniz üçün yerləşdirdim.

"Erməni zindanında səkkiz gün" kitabı.
Əsir olan Dürdanə Ağayeva cəhənnəmi bu dünyada görən,əsir olduğu hər dəqiqə ölmək üçün Allaha yalvaran bir qadındır.Gənc rabitəçi qız Dürdanə Ağayeva,gözünün gördüyü, şahid olduğu və başına gələn o qaranlıq gecəni və unudulmaz Xocalı Soyqırımını dünyaya tanıtdırmağa çalışır.
İnsan keçmişi ilə deyil gələcəyini düşünüb yaşayır, ancaq keçmiş heç vaxt unudulmur.
Nəyi xatırlasan keçmiş insan gözündə hər bir zaman filmdir.O keçmiş günləri, əzab əziyyətləri də mən heç zaman unutmayacam.Çünki, mən hələ də keçmişlə yaşayıram."