Tək reallıq...

Salam əziz Steemit Azerbaijan☪✔ topluluğu. Bu günün postu tək reallıq olan uşaqların sevinci, təbəssümü mövzusudur. İndi bəlkə bəziləriniz fikirləşərsiniz ki, bu nə deməkdir? Axı sevinməyin reallığa nə dəxli var.

Belə deyək də. Bir qədər həyatda yaşayışla bağlı, yəni maddiyatla, imkanla bağlı problem yaşayan biri şəhərə gəzintiyə çıxanda necə olar? Sadəcə şüuraltı yükünü atar, ya da atmağa çalışar. Çalışar əylənsin, hamı kimi həyatdan, əyləncədən, sevincdən istifadə etsin. Amma yox. Yəqin ki, anladınız. Lakin uşaqlar belə deyil.

Uşaqlar tamam başqa varlıqlardır. Onlara heçnə maraqlı deyil. Nə maddiyat, nə imkan nə həyatdakı çətinliklər, nə yaşayış. Onlara sadəcə maraqlı olan onların əyləncəsi, oyunu, sevincidir. Axı həyatda qayğı deyilən bir şey var. Uşaqların isə qayğısı yoxdur.

Amma tək reallıq uşaqların sevincidir. Əlavəsiz və saxtalıqdan uzaq. Şəxsən mən uşaqlar sevinəndə çox şad oluram. Çünki körpələr, uşaqlar yer üzündə günahsız olan yeganə varlıqlardır. Onlar tanrının bizim yanımızda, hər evə bəxş elədiyi "Mələkləridir".