Qürur.

Güclü olmaq bir insanın qüruru deyil, ətrafın utancıdır. Bir insan nə qədər güclüdürsə, demək ətrafından bir o qədər incidilib. Bir insan çox susursa, demək onun həm dinləyəni yoxdur, həm anlayanı. Bir insan yoluna yol deməyib əyri-üyrü getməyə başlayıbsa əlindən tutanı olmamışdır demək. Yanlış yolda "dur" deyənə, gedəndə "qal" deyənə həsrətmiş. İnsan insanla rahatlıq tapardı və tək qalanlar narahat edilənlərdir. Tənhalıqdan üşüyənlərin ruhunu qucaqlamaq yerinə qovanlar indi onun əzminə tərif vururlar. Gülməyin altında gizlənən göz yaşlarını görməyəcək qədər gülməli həm də. Sən bir insanın qəlbi necə üşüyür bilmirsən. Bilmirsən deyə onu isitmək anlayışından da məhrumsan.