#club5050 🤗 // THE DİARY GAME Better Life. ||20.05.2022 🤗Səmt bazarı. Qiymətlər yanıyor) (100% beneficiaries for Steemit Azerbaijan)

Xoş gördük, Azərbaycan Steemitçiləri! Necəsiniz?
Bu gün yekə yazı günümüzdür. "Rəisim" mahnısını açıb keçmişəm bilgisayar arxasına, mahnıdakı rəisim sözünü beynimdə kuratorumla əvəz edirəm)

Səmt bazarları həftə içi hər gün İstanbulun müxtəlif məhəllələrində qurulur. Səhərin gözü açılmamışdan bazar işçiləri xeyli təşkilatlı işə başlayırlar. Əvvəl çadırlar qurulur, dəzgahlar hazırlanır, mallar maşınlardan daşınaraq dəzgahlara gətirilir və s.

15 ildir mən də bu bazarlardan alış-veriş edirəm. Əvvəllər mənim də qəribəmə gəlirdi. Deyirdim, bu necə bazardır axı? Görünüşü, görüntü kirliliyi heç İstanbula yaraşmır, qəbul edə bilmirdim belə bazarları. Sonra öyrəşdim nəsə) İnsanoğlu hər şeyə öyrəşir axı) Məsələn, bu görüntü heç xoş deyil, cındır satışıdır)

Amma bu məsələ də var ki, gözümüzün estetikasını məhv edən bu görüntülər bəzilərinin çörək qapısı, bəzilərinin əyləncə qapısı, kasıb-kusubun ümid qapısı, varlının da keyif yeridir desək, yanılmarıq.

Elə bu düşüncələrlə bazar çantamı da sürükləyib çıxdım bazara)

Bir-iki dəzgahın yanından ötmüşdüm ki, dedim, vaxsey, qiymətlər qalxıb çarxa, İstanbul bazarları alev-alev) A kişi, 25-30 Tl -yə pomidor olar? Sonra öyrəndim ki, Bakı bazarlarında da qiymət bundan fərqli deyilmiş.
Alıcı pərişan, satıcı pərişan)

Çarə yox, keçdim digər məhsulların alış-verişinə. Kuru yemişə yaxınlaşa belə bilmirsən, uzaqdan alovu sənə sığal çəkir) Sağ olsunlar bəzi satıcılar, fakir fugarayı düşünüb kredi kartı da qoyublar)

Alış-verişimi edə-edə fotolarımı da çəkirəm, gizli ajanlar kimi)

Bəzən tərs-tərs baxan da olurdu) Bundan maa nə) Steemit mənə belə şeyləri aşmağı öyrədib) Bir gün tutub döysələr, günah @revan746 dadır, bilmiş olun)

Bütün görüntülər sıxıcı deyildi, bu gözəlləri də gördüm)

Bazarı yaxşı-yaxşı gəzəndə, altını üstünə çevirəndə aşağı qiymətdə pomidor da tapmaq mümkünmüş, amma bunların qabığı qalın olur)

Əkin-biçin mövsümü başladığından fidanlar satan satıcıların da sayı artmışdı.

Belə, əziz dostlar, qiymətlərin günbəgün dəyişdiyi İstanbulun səmt bazarlarından birinin günü barədə sizinlə bölüşdüm. Ümidlə iqtisadiyyatın dəngəyə düşməsini gözləyənlərdənəm) Ümid də olmasa. nə edərdik?)

Axşamdan sonra şagirdimlə vəzifəmizin başında idik. Aldığımız meyvələrdən yeyə-yeyə, ev tapşırıqlarımızı da həll elədik, fasilələrdə əyləndik də)

Təbii ki, şirin Lakte ilə də oynadıq, bir də baxdıq gün sona çatıb)
Laktenin ən çox sakit tərəfini sevdim, belə pişiyi evdə kim istəməz)

Hamınıza yekə-yekə steemlər almağı arzulayıram, özüm də içində)

@ceylanmumoglu