Yaşam Çarxı Cədvəli || Maraqlı tanışlıq-zad :)

Bəzən elə olur ki, insan həyatında nə kəmdir, nə çatışmır, tam anlaya bilmir. Anlaya bilmədiyi üçün də stresə düşüb özünü böyük və bilinməz bir quyunun içinə düşmüş, boşluğa düşmüş kimi hiss edir.

Bu yaxınlarda youtube'da bir video izlədim. Həmin videoda həyatımızın müxtəlif hissələrini özündə əks etdirən bir cədvəl haqqında danışılırdı. Bu cədvəl elə bir cədvəldir ki, normal bir insanın həyatının bütün hissələrini əhatə edən sistematik bir quruluşa sahibdir.

Cədvələ baxanda insan sanki özü həyatını bütünləşmiş bir şəkildə cədvəldə tapır. Tapır dediyim o demək deyil ki, cədvəl sırf sizin həyatınızı işıqlandırır. Yox. Sadəcə cədvəl həyatımızın ayrı-ayrı hissələrini elə kompakt bir şəkildə özündə əks etdirir ki, insan cədvəli görən anda normalda özünün düşünüb cədvəl halına sala bilməyəcəyi bütünləşmiş bir sistemi görür sanki.

Psixologiya dünyasında bu cədvəlin adı Yaşam Çarxı adlanır. Cədvəl aşağıdakı kimidir:

Link to Photo

Hə, cədvəllə tanış olduq.

Rəsmdə də gördüyünüz kimi cədvəldə bir insanın həyatının 8 fərqli hissəsi öz əksini tapıb. Burdakı hər bir hissəyə doğru isə, gördüyünüz kimi dairənin içində nömrələnmə aparılıb. Bu nömrələnmə bizə həyatımızın hər bir hissəsinə 1-dən 10-a qədər xal vermək imkanı verir.

Misal, deyəlim ki, rəsmdə göstərilən kimi sağlığınızda, səhhətinizdə müəyyən problemlər var, və ya kompleksləriniz var. Buna görə də 1-dən 10-a qədər qiymətləndirmədə öz sağlığınıza şəkildəki kimi 4 xal verirsiniz. 4 xalı verdikdən sonra isə yuxarıda rəsmdə göstərilən qaydada dairələrin sağlıq bölməsinə düşən ilk 4 nömrəsini qaralayırsınız.

Belə-belə bütün bölmələri qaralayıb, öz həyatınıza müəyyən bir dəyər verir, sonradan nələrin üzərində işləyə bilərsiniz, daha sistematik bir şəkildə gözünüz önündə görürsünüz.

İndi mən bu cədvəli bir A4 vərəqə çəkib, sizə əyani olaraq göstərəcəm. Maraqlı bir metoddur, həqiqətən. Çəkdiyim cədvəldə hər şey aşağıda gördüyünüz kimi azərbaycancadır və gördüyünüz kimi cədvəli rahatlıqla evdə boş olarkən çəkmək olar:

Müəyyən hissələri örnək olsun deyə doldurdum. Çəkdiyim cədvəldən belə nəticə çıxır ki, qardaşıvızın aşk, sevgi həyatı yerlərdə sürünür . 1 xalla qiymətləndirilib. Həqqi 1 nədir a? Nəsə. İmkanlı qız tapsam, cədvəli cıracam. :/

İkinci olaraq, pul da yoxdur və 3 xalla qiymətləndirilib. Bu bölmədən həm də belə bir maraqlı nəticə çıxdı ki, pul yoxdursa, aşk-zad boş şeydir.

Sosial həyatım isə qaynayır və 9 xal vermişəm. İki dəqiqə dayandı yoxdur. O söz var ha "sülənmək", bax mənim üçün deyilib o. Zarafatsız, uşaqlıqda anam hətta ayağımı qravata düyünləyirdi ki, çölə qaçmayım. Bilirdi ki, düyünü aça bilmirəm. :D Bəlkə də, 7-8 yaşlı bir uşaq üçün düzgün olanı edirdi. O kənd sənin, bu kənd mənim bütün günü futbolda idim. :)

İndi də bir yerdə durmuram ha. Misal, keçən dəfə Bulvarda gəzirəm, gördüm bir ərəb qiyafəli oğlan fikir-fikirli oturub skamekada, qulaqcıqla dənizə baxa-baxa mahnıya qulaq asır. Bəhooo. İndi məni saxlamaq olar?

Geyimindən bildim ki, o bizim bildiyimiz 2 manatlıq siqareti 10 manata satım tərzi, "sağmalıq" ərəblərdən döyül... :D

Nəsə. Postu burda saxlayım. Bu, ayrıca bir post mövzusudur. Nə temalar var e. Aşağıda şəhərdə gəzərkən çəkdiyimiz bir şəkli atıram ki, gözünüz yolda qalmasın.

Xarici gördümsə, tanış oluram. Əminəm ki, tanış olduğum bütün xaricilərin vətəninə gedəcəyəm. Adamın ölkəsi sizi də türklər demiş şaşırdacaq. Çox maraqlı və haqqında çox eşitmədiyiniz bir ölkədən gəlib.

Növbəti postumu gözləyin.

Ha. Bu arada, o yuxarıdakı metodları yaddan çıxarmuyun. Söhbət elə fırlandı ki, indi hamı neqr'dan yazacaq. Bu arada bu ifadəni də heç sevmirəm. İnsanıq, nə fərqi rəngin, nə fərqi dinin, nə fərqi nəyinsə.

Haydi növbəti postda görüşənə qədər. :)

Yorumları gözləyirəm ha bax.