Ənənəvi tələbəçilik

Salam,dəyərli Steemit Azerbaijan ailəsi. Artıq dərslər başlayıb,özü də əyani formada. Heyif deyildi mi,online dərs😄təhsil həyatında gördüyüm ən gözəl şey idi.Əlbəttə online keçiləndə narazılıqlarımız da olurdu ki,online dərslə mühəndis yetişər mi heç!?Amma indi anladıq ki,onsuz ənənəvi dərslə də çox yetişəcək kimi görünmür😄(bu zarafatdır haa,mən sevirəm və təqdir edirəm universitetimi😄) Dərslərə 2.ci smen gedirik,13:30 da başlayır.Gedəndə avtobus və metrodan istifadə edirəm.Sıxlıq,çətinlik olsa da başqa yolu yoxdur

Metroya çatmağa bir stansiya qalmış düşüb,qalan yolu piyada gedirəm ki,vərdişimdən qalıb passivləşməyim.

İnsan həddindən artıq çox olur.Mənə həmişə deyirdilər ki,oturmağa yer tapmayacaqsan,amma yalan deyirlərmiş,heç ayaqüstə dura bilmək üçün tutmağa da yer olmurmuş ki...😄Nə isə belə-belə gəlib çatıram universitetə.Universitetimiz istiqamət tapmaqda çətinlik çəkən biri üçün(məsələn mən) labirentdir sanki.Bu gün mən korpusu tapmaq üçün 2 polis,2 tələbəyə,sinif otağını tapmaq üçün isə 2 müəllimə müraciət etmişəm😄
Universitetimizdən bir neçə şəkil çəkmişəm sizlər üçün:)

Sinif otağımıza bir baxın.

Sabah qrupları olduğumuz üçün otaqlarımız belə fərqlidirlər.Dərslərimizin bəzilərini labaratoriyada keçirik.

Bura fizika labaratoriyasıdır.Dünən ilk dərsimizi keçdik labaratoriyada.Bu da apardığımız təcrübə.

Fizika müəllimimiz çox həvəsli,aktiv,yenilikçi biridir,indi bir iş üzərində çalışır,daha doğrusu bitirib sertifikatlaşma mərhələsini gözləyir.Bütün fikri bir şeylər yaratmaqdır,bizə də deyir ki,hər birinizdən ideyalar gözləyirəm, tələbəmdən nə isə öyrənmək mənim üçün ən böyük qürurdur.
Kimya dərsini də labaratoriyada keçirik,ora da çox maraqlıdır.Növbəti postlarda paylaşacam mütləq.Dərslər bitdikdən sonra isə üz tuturam bilet almağa,sonra da qatara.Ən maraqlı da elə burasıdır.Qatar olduqca rahat,səliqəli və sakitdir.İnsan getdikcə getmək istəyir.

Bu oturacaqlar boş deyildi ha,3 dayı oturmuşdu,gah İranı Azərbaycana birləşdirdilər,gah da dedilər ki,yenə sovet dövrünə qayıdacağıq.Maraqlıdır,istinad etdikləri mənbələr isə internet idi danışdıqlarından başa düşdüyüm qədəri ilə.

Dərsdən çıxdıqdan sonra qatarın yola düşməsi üçün bir qədər gözləməli oluram bu vaxt isə dərs oxuyur,bəzəndə filmə baxıram.

Qatardan düşdükdən sonra isə 0.5 km-ə yaxın yolu piyada getməliyəm.

Bura da binanın həyəti.Budur,çatdım mən artıq.Görüşənədək,oxuğunuz üçün minnətdaram:)