فلسفہ عید الضحی اور میرے قربانی کا جانور || تمام امت مسلمہ کو عید کا دن ایڈوانس مبارک

اسلام علیکم

سب سے پہلے آپ سب کو خوش آمدید میرے سٹیمیٹ بلاگ میں اور میری اللہ سے دعا ہے کہ آپ سب کمیوہنٹی خیر عافیت سے ہوں۔ جسطرح آپ سب جانتے ہیں کہ عید الضحی کی تیاریوں میں تمام مسلمان لگے ہوئے ہیں اور ہر شخص کی خواہش ہے کہ وہ عید کے دن سے پہلے قربانی کے لیے جانور خرید لے۔ میں بھی ہر سال قربانی کا جانور خریدتا ہوں اور اس سال میں نے کچھ مختلف پروگرام عید کا بنایا ہے۔

اگر پچھلے سالوں کو دیکھا جائے تو میں چار قربانی کے جانور خریدتا تھا اور میں چار جانور اس ترتیب سے لیتا تھا۔

ایک جانور اپنی والدہ کی حصہ کی قربانی ، دوسرا میں حضرت خواجہ اویس قرنی کے ایصال ثواب اور انکے نام کی قربانی کرتا ہوں ، تیسری قربانی اپنی بیوی کے نام کی اور چوتھی قربانی میں اپنے حصہ کی کرتا تھا۔ لیکن اس دفعہ میں نے قربانی کے تین حصے گائے میں شامل ہوا ہوں جسکو اجتماعی قربانی بھی کہتے ہیں اور ایک میں نے دنبا حضرت خواجہ اویس قرنی کے لیے لیا ہے۔

مہنگائی بہت زیادہ بڑھ گئے پے اور اجمتاعی قربانی میں خرچ کم آتا ہے اور اسطرح انسان سنت ابراھیمی ادا کرنے کے قابل ہوجاتا ہے۔

میں اس بات سے بہت خوش ہوں کہ اردو کمیوہنٹی کے چند ممبران نے قربانی کی عید کے متعلق بہت ہی اچھی تحریر لکھی ہیں۔ میں نے ان سب پوسٹ کو پڑھا ہے اور خوشی محسوس کی ہے کہ اردو کمیوہنٹی میں ممبران عید کی مناسبت سے بہت پی اچھی تحریر لکھ رہے ہیں۔

ہم سب مسلمان جانتے ہیں کہ قربانی کا فلسفہ بہت ہی واضح ہے اور قربانی ہمیں حضرت ابراہیم علیہ اسلام اور انکے بیٹا حضرت اسماعیل علیہ اسلام کی یاد تازہ کرنا بھی ہے اور حضرت ابراہیم کی سنت پر عمل کرنا بھی ہے۔

عید گوشت اکھٹے کرنے یا لوگوں کے سامنے اپنی دولت دیکھانے کا نام نہیں ہے بلکہ قربانی تقوی کا نام ہے اور جو لوگ صرف دیکھاوے کے لیے قربانی کرتے ہیں تو اللہ کے ہاں انکی قربانی قابل قبول نہیں ہے۔

ہمیں چاہیے کہ ہم اپنی حلال کی کمائی سے قربانی کا جانور خرید کر قربانی کریں اور جو لوگ حرام کی کمائی سے قربانی کا جانور خرید کر قربانی کرتے ہیں انکی قربانی اللہ کے سامنے قبول نہیں ہے۔کیونکہ عبادت حلال کمائی کے لباس سے ہی قابل قبول ہے۔

ہمیں چاہیے کہ ہم عید کے دن گوشت غریب افراد میں گوشت تقسیم کرین تاکہ غریب افراد بھی عید کی خوشیوں میں شامل ہوسکیں۔

بہت سارے ایسے لوگ بھی ہوتے ہیں جو قربانی کا گوشت کسی کو نہیں دیتے اور فریج فریزر میں رکھ لیتے ہیں جبکہ ہمیں چاہیے کہ ہم اپنے محلہ اور شہر میں غریب افراد کے گھروں میں جاکر انکو گوشت دین تاکہ غریب کے بچے بھی عید پر گوشت کھا سکیں۔

میں اپنی تمام اردو کمیوہنٹی اور سٹیمیٹ فیملی کو ایڈوانس عید مبارک کہتا ہوں اور میری دعا ہے کہ اللہ اس عید اور دس ذوالحج کے صدقے تمام انسانوں اور امت مسلمہ کی پریشانیوں کو دور فرمائے اور ہماری قربانی قبول فرمائے۔

آپکا بھائی

@yousafharoonkhan