|| A beautiful Article 💞 || 21/12/2021 || by @SeaPearl

شُروع اَللہ کے پاک نام سے جو بڑا مہر بان نہايت رحم والا ہے

---

الله آپ سب پر اپنی رحمتیں اپنی برکتیں نازل کریں اور آپ لوگوں کو زندگی کے معاملات میں جو بھی پریشانیاں ہیں الله اپنے فضل سے انھیں آسانیوں میں بدل
🤲 دے آمین

السلام علیکم و رحمۃ اللہ و برکاتہ

امید ہے آپ سب خیریت سے ہوں گے اور بہت خوش ہوں گے. دوستوں آج کا آرٹیکل ہے حسد کے بارے میں ہے ؟ یہ کیا ہے؟ اور اس سے کیسے بچ سکتے ہیں؟ تو چلتے ہیں آج کے موضوع کی طرف

Source

کاش مجھے بھی ایسا جوڑا مل جاتا جیسے سعدیہ نے پہنا ہوا ہے. یہ جوڑا میں لے لیتی تو آج میں سعدیہ سے زیادہ خوبصورت دکھائی دیتی. آج سب لوگ شادی میں مجھ سے زیادہ اسے پذیرائی دے رہے تھے. میرے تو تن بدن میں آگ ہی لگ گئی یہ سب دیکھ کے. سحرش اپنی سہیلی سے کل رات کی شادی کا احوال بیان حسد اور جلن میں کر رہی تھی

کاش میرے پاس بھی یہ گاڑی ہوتی. کاش میرے پاس بھی ایسا گھر ہوتا. کاش میں بھی اتنی پتلی اور حسین ہوتی جیسے وہ ہے. ایسی بیشمار باتیں آپ لوگوں نے اپنے ارد گرد میں ضرور سنی ہوں گی. اس جلن اور حسد کا زیادہ تر شکار مردوں کی بنسبت عورتیں ہوتی ہیں. جو بلکل معمولی باتوں کو بھی لے کے کر دوسرے سے حسد اور جلان کا شکار ہو جاتی ہیں. دوسرے سے آگے نکلنے اور اچھا دیکھنے کے چکر میں وہ الٹی سیڑھی حرکتیں کر کے مزید لوگوں کی نظروں میں بری بن جاتی ہیں

ایسی حرکتوں سے صرف احساس کمتری پیدا ہوتا ہے. اس کے علاوہ دیگر نفسیاتی بیماریوں کا بھی شکار ہو جاتے ہیں. لڑائی جھگڑے ہر وقت کی جلن غصہ بات کرو تو جیسے کاٹ کھانے کو دوڑ رہے ہوں ایسے افراد نہ صرف خود بے سکون رہتے ہیں بلکہ اپنے ارد گرد لوگوں کی زندگی بھی جہنم بنا دیتے ہیں.
اگر ہم میں سے کوئی بھی ایسی کیفیت کا شکار ہے اور اس فضول سوچوں اور حرکتوں سے نکل نہیں پا رہا ہے تو وہ بیحد آسانی سے اس حسد سے چھٹکارا پا سکتا ہے اور اپنی اور دوسروں کی زندگی کو بھی خوش حال بنا سکتا ہےصبر اور شکر ، یہ دو چیزیں ایسی ہیں اگر آپ اپنے آپ میں بس یہ دو چیزوں کو شامل کر لیں تو سو فیصد آپ کی زندگی بدل جائے گی. آپ سے لوگ بھی متاثر ہوں گے اور آپ کی زندگی اتنی حسین اور خوبصورت ہو جائے گی جس کا تصور بھی آپ نے کبھی نہ کیا ہو گا

جو الله نے آپ کو دیا ہے اس کا بیحد شکر ادا کریں اور اسی میں خوش رہنے کی کوشش بھی کریں. یاد رکھیں جو آپ کے نصیب میں اسے کو چھین نہیں سکتا اور جو نصیب میں نہیں ہے اس کے پیچھے بھاگنے سے آپ صرف خود کا نقصان کرتے ہیں. یاد رکھیں جو شخص الله کی تقسیم پی راضی نہیں ہے اسے دنیا کی لاکھوں نعمتیں بھی دکھائی نہیں دیں گی اس شخص کی نظر بس دوسروں کی زندگی پر ہو گی

اس بات کو دل سے تسلیم کر لیں الله نے جو بیشمار نعمتیں آپ کو دی ہیں وہ بیشمار لوگوں کے پاس نہیں ہیں. آج سے نہ صرف خود کو خوش رکھیں بلکہ دوسروں کو بھی خوش رکھیں ان کے لئے آسانیاں بانٹیں

امید ہے آپ کو میری آج کی پوسٹ پسند آئی ہو گی. آپ سب اپنا بہت خیال رکھیں اور مجھے اپنی دعاؤں میں یاد بھی. انشاللہ ایک نئی پوسٹ کے ساتھ پھرحاضر ہوں گی الله حافظ

میری پوسٹ پڑھنے کا شکریہ

Special Thanks
@yousafharoonkhan
@janemorane