ماڑی کا علاقہ
یونین کونسل ماڑی کا علاقہ بنی افغانان میں آج بھی پرانے دیہی کلچر کی جھلک ،چھپر ہوٹلز جہاں گائے بھینس بکری کے خالص دودھ کی چائے پینے والوں کا دن بھر تانتا بندھارہتا ہے۔کر سیوں کی بجائے چار پائیاں،فریج کا متبادل مٹی کا گھڑا یا مٹکے کا ٹھنڈا پانی ہے اور ٹی وی ایل سی ڈیز کی جگہ ریڈیو پر گانے خبریں سمیت نشر ہونے والے تمام پروگرام شوق سے سنے جاتے ہیں ایک شخص دن میں دس سے پندرہ مرتبہ چائے پیتا ہے۔ ہوٹل مالکان کا کہنا ہے کہ جتنابھی زیادہ دودھ خرید لیں شام کو ختم ہو جاتا ہے بنی افغانان کی تمام ہوٹلز پر چائے کے لئے منوں کے حساب سے روزانہ دودھ استعمال کیا جاتاہے یہاں کے لوگ ڈبہ دودھ کی بجائے قدرتی خالص دودھ کی چائے پیتے ہیں
