اللّہ کے پاک نام سے شروع جو بڑا مہربان اور نہایت رحم کرنے والا ہے وہ سب کا پالنے والا ہےہماری شہ رگ سے ذیادہ قریب ہے سب اُسی کی عبادت کرتے ہیں اور اُسی سے مدد مانگتے ہیں۔بیشک وہی مدد کرنے والا ہے۔

صبح کا آغاز

اسلام وعلیکم سٹیمینس کیسے ہیں آپ لوگ امید کرتی ہوں ٹھیک ہوں گے اور سب اپنے کاموں میں مصروف ہوں گے۔آج میں آپ سب سے اپنی ڈائری شئیر کروں گی۔آج میری صبح کا آغاز ساڑھے چھے بجے ہوا میں اُٹھی منھ ہاتھ دھوۓ اور وضو کیا اللّہ عزوجل کے حضور نماز فجر ادا کی اسکے بعد میں نے سب کے لیے دعا کی میں کچھ دیر اپنی براندہ میں ٹہلتی رہی پھر میں نے الیکٹرک ہیٹر چلایا اور اس پر ہاتھ سکنے لگ گئی کچھ دیر کاتھ سیکے پھر میں کچن میں چلی گئی کچن میں ناشتے کی تیاری شروع کردی۔میری امی بھی آگئیں ہم دونوں نے مل کر سب کیلئے ناشتہ بنایا ۔آہستہ آہستہ سب اُٹھ گئے جب ناشتہ بن گیا سب کو انوائیٹ کیا اور ہم سب نے مل کر ناشتہ کیا جب ذناشتہ ہو گیا میں نے برتن سمیٹے اور کچن میں رکھ دیے۔اسکے بعد میں تیار ہونے چلی گئی جب میں سکول کے لیے تیار ہو گئی تو میرے والد صاحب مجھے سکول چھوڑنے کیلئے آۓ انھوں نے مجھے دروازے پر چھوڑا اور اپنے گھر کی طرف روانہ ہو گئے میں سکول میں داخل ہوئی سب کولیگز کو سلام کیا اور اپنی حاضری لگائی پھر اپنی کلاس میں چلی گئی۔بچوں کو پڑھایا بارہ بجے تک یہی سلسلہ رہا پھر میرے والد صاحب چھٹی کے ٹائم لینے آگئے کیوں کہ آج جمعہ شریف تھا تو چھٹی جلدی ہو گئی۔میں انکے ساتھ گھر آگئی۔

دوپہر کا کھانا

گھر آکر میں نے سب کو سلام کیا امی سے حال احوال لیا اسکے بعد میں نے باتھ لیا اور کچھ دیر دھوپ میں بیٹھی رہی پھر نماز کا ٹائم ہوا تو میں نے وضو کیا اور نماز پڑھی اور سب کیلئے دعا کی۔نماز میں نے دھوپ میں ہی پڑھی تھی اسلئے میں وہیں بیٹھی رہی اور تسبیح پڑھتی رہی۔پھر میں نے امی کی کچن میں مدد کی وہ کلیجی بنا رہی تھیں تو میں نے انکی مدد کی اور فوٹوگرافی بھی کی۔ جب بن گیا تو ہم نے دوپہر کا کھانا کھایا عصر کی نماز ادا کی اور کچھ دیر آرام کیا

شام کا وقت

شام کے وقت میرے ٹیوشن کے بچے پڑھنے آگئے میں نے انکو پڑھایا تقریباً دو گھنٹے پڑھایا اور پھر میں نے اپنے لیے چاۓ بنائی۔سر میں کافی درد تھا تو پیناڈول بھی ساتھ لے لی مغرب کی نماز ادا کی۔اسکے بعد میں نے آرام کیا۔

رات کا وقت

کچن میں بنانا کچھ نہیں تھا تو میں نے کھاناگرم کیا اور سب کو کھلا دیا۔بسترے میں نے کر دیے اب سب نماز پڑھیں گے اور میں نے سوچا میں پوسٹ لکھ لوں۔ساری روٹین سوچی اور لکھنے بیٹھ گئی۔ کمرے میں بلکل اندھیرا کیا ہوا ہے اور ڈرامہ دیکھ رہی ہوں ساتھ پوسٹ بھی لکھ رہی ہوں۔

اختتام

دوستوں اُمید کرتی ہوں کہ میری پوسٹ آپ سب کو پسند آئے گی اپنا بہت خیال رکھیے گا کل پھر حاضر ہوں گی۔
جزاک اللّہ