اپنی ماں کے ہاتھوں پکے کھا نوں کی مْنفرد خْوشبو !

اہلِ ثروت حضرات اکثر بڑے اور معروف ہوٹلوں میں کھا نا تناول کرنے کو ترجیح دیتے ہیں کیونکہ بعد میں موصول ہونے والے بِل کی رقم اْن کے لئے کوئی معنی نہیں رکھتی، بڑے گھروں کی اکثر مَستورات کچن میں جا نے سے احتراز ہی کرتی ہیں اور کھانے پکا نے کے لئے تجربہ کار موسَیاں کچن سنبھالے ہوئے ہوتی ہیں، اْدھر دوسری جانب غریب اور متوسط طبقہ کے لوگ ذیادہ تر گھریلو کھا نوں پر ہی اِکتِفا کرتے ہیں، اْن کے لئے با ہر کے پکے پکا ئے کھا نے کسی طرح بھی سْود مند نہیں ہوتے، ایک تو اْن کا ذائقہ الگ قسم کا ہوتا ہے پھر اْس کے بیش قیمت دام عام آدمی کی جیب پر بھاری پڑتے ہیں۔ مزید برآں اِن میں مستعمل مرچ مصا لےاور مضرِصحت پروٹین انسا نی جسم میں ٹاپ ٹین بیماریوں کو جنم دینے کا موجب بنتے ہیں۔ ایک ماں اپنے بچوں کے لئے صبح دوپہر اور رات کو جو کھانا بناتی ہے اْس میں اْس کی ممتا سے لبریز پیار کے شامل ہو جا نے

سے اْس میں ایک ایسی منفرد خوشبو پیدا ہوتی ہے جو اْن کے لئے مرغوب غذا بن جاتی ہے اور ماں ہی کے ہاتھوں پکے کھا نے کھا کر سب جواں سالی کی عمر کو پہنچتے ہیں، پھر یہ بات تو اکثر مشاہدے میں آ تی ہے کہ شادیوں کے بندھن میں جکڑے جانے کے بعد اکثر بیٹےماں باپ کے ہمراہ ہی ایک دو منزلہ مکان میں علہدہ کھابے پینے کے ساتھ رہائش رکھتے ہیں، اب اپنی بیویوں کے ہاتھ کا پکا ہوا کھانا کھانے کے بعد اْنہیں شدت کے ساتھ یہ احساس ہوتا ہے کہ شریکِ حیات کھانے بنانے میں ماہر ہو کر بھی ماں کے تجربے کے سامنے ہیچ ہی ہے، وہ اْس کے منہ پر تعریف تو ضرور کرتے ہیں لیکن نیچے ماں کے پکے ہوئے کھانے کی خوشبو کو پا کر بے چین ہو جا تے ہیں کیونکہ یہ اْن کے رگ و پے میں سرایت کر چکی ہوتی ہے جسے وہ تا دمِ آخر کسی صورت بھی بھلا نہیں سکتے۔ علاوہ ازیں عورت کی ذات بارے یہ بات زبا ن زدِعام ہے کہ شادی کے بعد جب وہ نئے گھر میں کچن چلانے کی ذمہ داری سنبھالتی ہے تو سب سے پہلے اچھے میٹھے اور مزیدار کھانے کھلا کر اپنے دولھے میاں اور اْس کی ماں کے دل میں اترنے کے ساتھ گھر کے سارے افراد کو اپنا گرویدہ بنا تی ہے، اْدھر دولھا میاں جو آج تک ماں کے ہا تھوں کی خوشبو سے لبریز کھانے کھا کھا کر پلا بڑھا ہوتا ہے وہ بھی ضعیف و لاچار ماں کی مجبوری کی ہاں میں ہاں ملا کر بَرِی الِزمّہ ہو جا تا ہے۔