the diary game beautiful day story 23 march 2023

*السَّـــــــلاَمُ عَلَيــْــكُم وَرَحْمَةُ اللهِ وَبَرَكـَـاتُه
ڈھیروں دعاوں کے ساتھ سب کو نئی صبح مبارک ہو!
" دل دو چیزوں سے روشن اور آب دار ہوتا ہے:
استغفار اور ذکرِ الہٰی ۔ ۔ ۔ "
اور دو ہی چیزوں سے زنگ آلود ہوتا ہے:
غفلت اور گناہ ۔ ۔ ۔ "
عبادت، سجدوں اور تسبیحوں کا ہی نام نہیں ہے
سجدے، قیام ، رکوع اور تسبیح بندگی کی علامت ہیں ۔ ۔ ۔
مگر عبادت کی کئی رنگ اور بھی ہیں !
وہ جو اللہ کی مخلوق کے لئے آسانیاں تلاش کرتا ہے ۔
وہ جواللہ کے بندوں کے لئے دل میں بٌغض اور حسد نہیں رکھتا ہے۔
وہ جو اُس کے بندوں کا بٌرا نہیں چاہتا ۔
وہ جو چٌھپ کر کسی پر احسان کرتا ہے اور بھٌول جاتا ہے ۔
وہ بھی عبد ہے ۔ اُس کی عبادات کا بھی اپنا ایک درجہ ہے ۔
اللہ پاک ہم سب کو توفیق عطا فرماۓ۔
*آمیـــن ثـم آمیــن یاربـــُ العالمیــــــن
میری آنکھ تب کھلی جب کچن سے آوازیں آ رہی تھیں میں نے موبائل پر ٹائم دیکھا تو تین بج رہے تھے. میں نے بھی روزے کے لئے جاگنا تھا.

میں اٹھی وضو کیا اور کچن میں چلی گئی کچن میں امی اور بھابھی موجود تھے جو سحری کے لئے چیزیں بنا رہے تھے. جیسا کہ آج پہلا روزہ تھا سب لوگ جلدی اٹھ گئے. میں نے بھی کچن کے کاموں میں بھابھی کی ہیلپ کی اور دستر خوان لگا لیا. میں نے سب گھر والوں کو بلایا کہ سحری کر لیں سب نے سحری کی اور نماز پڑھ کر باہر نکلی ہی تھی کہ بارش شروع ہو گئی پھر کمرے میں آ کر قرآن پڑھا. بارش مسلسل ہو رہی تھی موسم خوشگوار تھا

آج پورا دن بارش رہی لوگ پریشان بھی تھے کیونکہ فصلیں تیار ہیں اور اگر ہوا چلی تو ساری فصلیں خراب ہو جائیں گی. کسانون کی محنت ضائع ہو جائے گی.

لیکن سب اللہ کا اپنا مال ہے جس کے نصیب میں جتنا ہوا اسے ملے گا. بارش کی وجہ سے سردی ہو گی ہے. دن کے تین بجے بارش رکی ہر چیز نکھری ہوئی محسوس ہو رہی تھی. درختوں اور پودوں پر بارش کے قطرے بہت خوبصورت لگ رہے تھے.

میں نے بھی بہت سے پودے درخت اور سبزیاں لگائی ہوئی ہیں وہ بارش سے دھل کر اور زیادہ اچھی لگ رہی تھیں.

میں نے گلاب ،مالٹے،انگور اور سبز مرچوں کے پودوں کی تصویریں لی. کچی جگوں پر بارش کا پانی کھڑا تھا.

جانور بھوکے تھے امی نے ان کو گھاس وغیرہ ڈالا.
پوسٹ اچھی لگے تو لائیک اور کمنٹس ضرور کیجئے گا
اللہ حافظ