Happy Tuesdays my dear diary and fun day with the kidsمنگل کے دن کی میری پیاری ڈہیری اور بچوں کے ساتھ مزے کے دن

آج میں حاضر ہوچکی ہوں اپنی نئی ڈہیری کے ساتھ۔ میری تمام ڈہیری جو میں لکھتی آپ سب اسکو پسند کرتے ہو جو کہ مجھے اچھا لگتا ہے۔ ابھی صبح کا وقت ہے اور میں نے سوچا کہ منگل کے دن کی ڈہیری لکھوں ۔منگل کے دن میں سویرے اٹھی ، نماز پڑھی اور قرآن مجید کی تلاوت کی ، بچوں کی سکولز سے چھٹیان ہیں تو وہ بچے دیر سے اٹھتے ہیں۔

میں نے اپنے شوہر کے لیے ناشتہ تیار کیا ، ناشتہ کرنے کے بعد وہ اپنے دفتر چلے گئے۔ گھر کے باقی افراد دیر سے اٹھتے ہیں اور صبح نماز پڑھ کر سو بھی جاتے ہیں۔

جب میرے شوہر آفس گئے تو میں اپنے کمرے میں آگئی بچے سو رہے تو واٹس ایپ پر میں اپنی سہلیوں کے ساتھ میسج پر بات کرنے لگ گئی اور ایک دوسرے سے پوچھا کہ عید پر قربانی کے جانور کس کس نے لیے ہیں۔ اسطرح میسج کرتے کرتے وقت گزر گیا اور پھر میں نے بچوں کو اٹھایا بچوں نے اٹھ کر نہانے چلے گئے۔امی اور دادا ابو کچھ بیمار سے رہتے ہیں تو انکے لیے میں چینی کے بغیر والی چائے بنائی اور ٹوسٹ تل کر دہیے

بچوں نے ناشتہ کیا اور پھر سارا دن کے گھر کے کام کاج کیے . جب گھر کے کام کرلیے تو کپڑے دھوئے کیونکہ جمعرات کو عید ہوگی اور سب گھر کے افراد گوشت کی کٹائی اور عید کے کاموں اور کھانوں میں مصروف ہوجاہینگے تو کپڑے دھوئے تاکہ عید کے تین دن میلے کپڑے زیادہ نہ ہوں۔

کھانا پکایا اور جب شوہر دفتر سے واپس آئے تو ان کو کھانا دیا۔

دوپہر کو ہمارے ایک رشتہ دار کی دوکان کا آفتتاح تھا تو میرے شوہر انکی دوکان کے آفتتاح کے لیے گئے اور مجھے آکر بتایا کہ بہت ہی بڑا سٹور بنایا ہے اور ضرورت کا سارا سامان انکی دوکان پر ہے۔

میرے شوہر نے دوکان کے اندر کے حصہ کی یہ تصاویر بنائی ہیں۔ کھانے پکانے والے مصالحہ جات اور شیمپو ، صابن دال چینی اور مچھرے سپرے تمام ضروریات زندگی کا سامان دوکان میں نظر آ رہا ہے

مینگو جوس کے ڈبے بھی اوپر کیبن میں نظر آ رہے ہیں۔ پھر جب میرے شوہر گھر واپس آئے تو بچوں نے فرماہش کی انکو دریائے کنارے کی طرف ایک پارک بنا ہے وہاں لے جایا جائے۔

تمام بچوں نے اپنے ابو کے ساتھ پارک گئے اور گھوم پھر کر واپس آ گئے

جب بچے پارک کی سیر سے واپس آئے تو شام ہوچکی تھی۔ تمام بچے پہلے نہائے اور نماز پڑھنے کے بعد میں نے کھانا شام کا تیار کیا اور پھر سب گھر والو نے مل کر کھایا۔ میرے شوہر نے بچوں سے عید کے متعلق مشورہ کیا اور قصائی کو فون کرکے تصدیق کی کہ اس نے ہمارے قربانی کے جانور کو ذبح کرنے کے لیے عید کے دن آنا ہے۔

میں اب یہ ڈہیری لکھ رہی ہوں۔ بچے سو رہے ہیں۔

اچھا اب سب کو ایڈوانس عید مبارک میں عید کے بعد ڈہیری لکھونگی کیونکہ عید کے دن مصروف دن ہونگے