කැමතිම සිංහල චිත්‍රපටය මොකක්ද කියලා ඇහුවොත්?
Persuit of happiness වගේ ඉංග්‍රීසි චිත්‍රපටත් 3 idiots වගේ ඉන්දියානු චිත්‍රපටත් බලනකොට මට ඇති වෙන ප්‍රශ්න තමයි,
"ඇයි ලංකාවේ මේ වගේ චිත්‍රපට හැදෙන්නේ නැත්තේ?"
"ඇයි ගොඩක් වෙලාවට ප්‍රේමය හෝ රජ කතාම තේමා කරගන්නේ?"
"ත්‍රාසජනක, අභිප්‍රේරණාත්මක(motivational), සත්‍ය කතා පාදක කරගත් හෝ මනෝ විද්‍යාත්මක සිංහල චිත්‍රපට අඩු ඇයි?"
"ගොඩක් වෙලාවට copy හෝ remake හදන්නෙ ඇයි?"
"ගොඩක් වෙලාවට සම්භාවනීය ගනයේ චිත්‍රපට 'ගම' හා 'දුගීබවම' පදනම් කරගෙන අසැබි වචන හා අවපැහැ ඇදුම් සහිතව නිර්මාණය කරන්නේ ඇයි?"
නවක නිර්මාණකරුවන්ට දස්කම් දැක්වීමට අපහසු කරවන චිත්‍රපට මාෆියාවකුත් තියෙනවලු. කොහොම උනත් රේඛාව, බැද්දේගම, ගැහැණු ළමයි වගේ ඉස්සර බලපු චිත්‍රපටවල විවිධත්වයත් එක්ක සැසදුවම වර්තමාන ඒකාකාරී සිනමාව ගැන පුදුම හිතෙනවා.
දන්නවද 'ජනේලය' කිය්න්නෙ තමන්ගෙ ගෙදර ජනේල‍‍යෙන් ඉස්සරහ ගෙදරක මිනීමැරුමක් දැකපු පොඩි කොල්ලෙක් ගැන කියවෙන පරණ චිත්‍රපටියක්. කුතුහලය උපරිමෙන් දනුණා.
'ආගන්තුකයා' චිත්‍රපටයේ තියෙන්නේ නීතියට වැඩ කරන්න ගිහින් ගොඩක් දුක් විදින්න වෙන පාසල් විදුහල්පති කෙනෙක් ගැන. බලලා දවස් ගානක් යනකම් ඒ කතාව මගෙ හිතේ තිබුණා.
'මචං' ගැනනම් හැමෝම දන්නවනේ. ඒක Sri Lankan Handball team1 කියලා හොරෙන් ජර්මනියට පැනපු අපේ රටේ මිනිස්සු කණ්ඩායමක් ගැන ඇත්තම කතාවක්. දුක, සතුට දෙකම ඒ කතාවෙ තියෙනවා.
මායා චිත්‍රපටය පුනර්භවය පදනම් කරගත් කුතුහලය වඩවන කතාවක්. පොඩි කෙල්ලෙක්ට තමන්ගෙ ගිය ආත්මෙ මිනීමරුවගෙන් මේ ආත්මෙදිත් පරිස්සම් වෙන්න වෙනවා. මේ 4ට තමයි මම ආසම.
රෝහණ විජේවීරයන්ගේ ජීවිත කතාව පදනම් කරගත් ගින්නෙන් උපන් සීතල චිත්‍රපටය ඔස්කා සම්මාන උළෙලේ හොඳම චිත්‍රපටයට නිර්දේශත් උණා. මෑතකාලීනවත් the newspaper, අසන්ධිමිත්තා, ප්‍රේමය නම් වගේ වෙනස් චිත්‍රපට ආවත් මට බලන්න බැරි වුණා. ඉතිං මම බලන් ඉන්නේ ඒ වගේ වෙනස් විදියේ copy හෝ remake නොවන අපේම සිංහල චිත්‍රපටයක් ආයෙත් එනකම්. ඒත් මේ කොරෝනා එක්ක කොහොම වෙයිද දන්නේ නෑ.
අපේ රටේ මුල් බැස ගත් ප්‍රශ්නයක් තමයි අපේ සිනමාව. හොඳ සිනමාපට වලට හොඳ තැනක් තියෙනවා ලංකාවේත්. දකින විදිහට අධ්‍යක්ෂවරයාත් නළුවොත් පසුතල නිර්මාණයක් ඇඳුම් නිර්මාණය මේ වගේ හැමදේම හොඳම එකතුවක් විදියට නිර්මාණයක් එළි දකින්නේ. ඒත් අපේ සිනමාව කොතැන හෝ කොතැනක සිර වෙලා තියෙනවා. ඔබ සඳහන් කල චිත්‍රපට වලට අමතරව හුස්ම, හෝ ගාන පොකුණ, තන්හා රති රගා , ආකාස කුසුම් යන චිත්‍රපට ද ඉතා ලස්සනයි.
අනිවාරෙන් . හැමදාම එක් තැන වගේ. හොඳම filmsවලටත් publicity1 මදි.
ඔව් මේ ටිකම මම බැලුවා❤❤❤. ඇත්තටම මේ ටික ගැන ලියන්න අමතක උනා. හුස්ම copy1k. ඒත් හොදයි. ආකාස කුසුම් නම් ගොඩක් ලස්සනයි.
Im sure in somewhere even we cant touch🤔
තන්හා රති රගා නම් ලස්සනයි 😍නේ. හුස්ම බලල හුස්ම ගියෙ නැති ටික විතරයි
ඇත්තටම දුකයි අපේ රටේ සිනමාව ගැන. අපේ රටේ දක්ශ නලුනිලියන් ඕන තරම් ඉන්නවා. ඒත් ඔවුන්ට සුදුසු චරිත ලැබෙනවා අඩුයි. අලුත් නිර්මාණකරුවන්ටද අපේ රටේ අවස්ථාවක් ලැබෙනවා අඩුයි.☹️
ඔව්. කවදාහරි මේවා වෙනස් උනොත් හොඳයි. හොඳ සිංහල films තියෙන්නෙ ටිකයි.
ඔන්නෝක විතරක් බලල තියන මං කොනේ ඉන්නෙ කොනේ😷 අනික් ඒව ලාවට හරි බලල තියනව. මොනව උනත් ලංකාවෙ සිනමාව ගැන දුකයි.. සමහර short film එහෙමත් හොදයි
ඔව් short films ගොඩාක් හොඳයි සිංහල films වලට වඩා.
Hi, @kashvibhagya,
Thank you for your contribution to the Steem ecosystem.
If you would like to support us, please consider voting for our witness, setting us as a proxy.
Or delegate to @ecosynthesizer to earn a portion of the curation rewards!