කළු සහ සුදු |Black & White
කළු චරිත, සුදු චරිත ලෙස ලේබල් වැදුණු ගොඩාක් දෙනෙක් මේ සමාජේ ඉන්නව, ඒ අතර පට්ට සුදු චරිත පට්ට කළු චරිත ගැනත් අපට අහන්න දකින්න ලැබෙනවා, කළු චරිත කරන්නේ කළු වැඩ විතරයි, සුදු චරිත කරන්නේ සුදු වැඩ විතරයි කියන පට්ට හරි කියල හිතෙන වැරදි මතයේ අද සමාජේ ජීවත් වෙනවා. තමන් තමයි ඉන්න සුදුම චරිතේ කියල ඔප්පු කරගන්න මහන්සි වෙන පිරිසුත් ඕනෑතරම් ඉන්නවා.
වැරදියි,
සුදු චරිත ලෝකේ නෑ , ඒ වගේම තමයි කළු චරිතත් ලෝකේ නෑ. ඔය කියන හැම චරිතයකම සුදු කළු දෙපැත්තක් තියනවා, සුදු වැඩ වැඩි චරිත වලට අපි සුදුයි කිව්වට කටත් නොපෙනෙන කළු පැත්තක් කොහෙම හරි තියනවා. ඒ වගේම තම කළු චරිත වලත් හරියට බැලුවොත් සුදු දේවල් හොයාගන්න තියනවා. පිටතට නොපෙනුනත් හර්දශාක්ෂිය ඒ හැමදේම දන්නවා. තමන් මොනතරම් කළුද සුදුද කියල තමන් දන්නවා මේ ලියන මටත් මේ කරුණ අදාලයි.
කියන්නම ඕනි,
මේ කියන කළු සුදු දෙක සාපේක්ෂයි. කෙනෙක්ට කළුවට පෙන දේ තව කෙනෙක්ට සුදු වෙන්න පුළුවන්.සුදුවට පෙනෙන පිරිස වැඩි නම් සමාජයට ඒක සුදු වැඩක්. ඒත් අමතක කරන්න එපා එක කළුවට පෙන අයත් ඉන්න පුළුවන්. ගොඩක් අය සුදුයි කියල හිතන් ඉන්න වැඩ වල ඇතුලාන්තය පට්ට කළු එකක් වෙන්නත් පුළුවන්. බැලූ බැල්මට ගොඩක් වෙනස් කම් දැක්කත් මේ දෙකට ගොඩක් ලගින් යන සම්බන්දයක් තියනවා කියලයි මට නම් හිතෙන්නේ.
සිතන්න,
කළු රෙද්දක සුදු පැල්ලමක් වැටුනොත් ඒක ගොඩක් හොදට කැපී පේන්න ඕන නේද, ඒ වගේම තමයි සුදු රෙද්දක කළු පැල්ලමක් වැටුනොත් එත් සමාන සංසිද්දියක් තමයි
සමාජේ වෙනස්,
කළු කියල ලේබල් කරපු චරිත සුදු දෙයක් කලොත් එක පිළිගන්න මොලගෙඩි කැමති නෑ, සුදු චරිතයක් කළු දෙයක් කලොත් එක ඇස්ගෙඩි වලට පෙන්නේ නෑ.සුදු වැඩ අගය කරන්න ඕන, තමයි කළු වැඩ වලට විරුද්ද වෙන්න ඕන, චරිතය දිහා බලලා කරන වැඩේ සුදුද කලුද කියල තීරණය කරන්න එපා.
කියන්න හිතුන ටික ඒ විදියටම කියන්න ඕන නිසා සිංහලෙන්ම දැම්මා.
කියවලා වැරදි අඩුපාඩු පෙන්නලා දීලම යන්න
මිනිස්සු මේ විදිහට හිතන්න පටන් ගත්තොත් සමාජය බොහෝ යහපත් අතට හැරේවි .මක්නිසාදයත් පුද්ගල ජනප්රියත්වය හෝ බලය මත පදනම්ව සමාජ පිළිගැනීම ඇතිවන ඇති වනවාට වඩා පුද්ගලයන්ගේ යහපැවැත්ම හා ක්රියාකාරකම් මත සමාජ පිළිගැනීම ලැබීම බොහෝ වටිනා හෙයිනි.♥
Thank you