"Septembre Ano Ang May Ara Ka?" (September What's In You?)
Maaninag ko ikaw
sa nagakalayo nga bulak
sang albor kon Mayo
nadumduman ko pa
pirmi mo ako ginahimuan
sang mga tinuhog nga talulot
para ipungi sa altar sadto
makita ko ikaw
sa nagakadagas nga dahon
sang dapdap kon Marso
ang imo nawong
nabagtik nga katunggan
nga ginapalid sang hangin
sa nga nauna nga tinulo
sang ulan sa Agosto
mabatyagan ko
ang matugnaw nimo nga palad
sa akon agtang
kag sa pagsubay sa mga maarumiraw
nga kaagahon sang Disyembre
ikaw ang akon iwag nga kabugwason
indi ko mahangpan
kon ano ang may ara sa Septembre
magluwas sa nagaporma
nga mga biraho sang mais
nagamagdos nga humayan
nagaagaw nga ulan kag init
indi nakon ikaw sarang masalapuan!
Abaw linti gid, kanami sining gi-himo mo.
Tuod gid? Ti salamat nga madamo sa pagtalupangod.
This post recieved an upvote from minnowpond. If you would like to recieve upvotes from minnowpond on all your posts, simply FOLLOW @minnowpond
Thanks for the upvote. Followed you.
hahhaha wow ate you are good of making tula .. i enjoy reading it so great ate ... more tula from yuo soon..xoxo
parang waray languange lang din @jennyfernandez. hehe
tinuhog, nabagtik, namong pareho-pareho sa waray. e.upvote ko ini. supportahan ko imo himo.
Wow salamat gid nga madamo.