سبز مرچیں کھانے کا وہ فائدہ جو آپ کو آج تک کسی نے نہیں بتایا، جان کر آپ انہیں ثابت ہی چبانا شروع کردیں گے

سبز مرچیں مشرقی کھانوں کی شان ہیں اور صدیوں سے ہمارے پکوانوں میں ان کا استعمال جاری ہے۔آپ بھی یقینا ان کے چٹ پٹے ذائقے کو پسند کرتے ہوں گے لیکن ان کے ڈھیر سارے طبی فوائد بھی ہیں۔ سبز مرچ کے فوائد کی فہرست یوں تو بہت طویل ہے لیکن ان میں سے کچھ اہم ترین فوائد خصوصاً قابل ذکر ہیں۔

ری مرچ کھانے سے جسم میں اینڈورفن مادے کا اخراج ہوتا ہے جو کہ ذہنی پریشانی اور دباﺅ کے مسائل سے نجات دلاتا ہے اور چڑچڑے پن کا بھی خاتمہ کرتا ہے۔
ذیابیطس کے مریضوں کیلئے بھی ہری مرچ بہت مفید بتائی جاتی ہے کیونکہ یہ خون میں شوگر کے لیول کو متوازن کرتی ہے۔
اگر آپ آئرن کی کمی سے بچنا چاہتے ہیں تو ہری مرچ کو اپنی خوراک کا حصہ بنالیں۔ یہ آئرن کا قدرتی ذریعہ ہے اور بصارت کیلئے بھی مفید سمجھی جاتی ہیں۔

ہری مرچ میں بیکٹیریا کا خاتمہ کرنے والے مادے بھی بکثرت پائے جاتے ہیں لہٰذا جلد کے انفیکشن میں اس کا استعمال مفید ہے۔
ہری مرچ میں ایک مخصوص اینٹی آکسیڈنٹ مادے بیٹا کیروٹین کی بھی وافر مقدار موجود ہوتی ہے۔ یہ مادہ دل اور دوران خون کی بیماریوں سے بچاتا ہے۔