طريقة عمل المسبكتي

السلام عليكم ورحمه الله وبركاته اليوم بدنا نعمل وصفة كتير طيبة ولذيذة وسهلة أن شاءالله تعجبكم وهي المسبكتي وخلينا نبلش بالمكونات الاول عنا معكرونه وبصل ولحمة أو دجاج لكن اللحمة المفرومة حتكون اطيبمن الدجاج او صدر الدجاج وكل واحد وهو ورغبته شو بحب يعمل ليعمل اي ما كانت حتكون اكلة

هلأ خلصنا المكونات خلينا نبلش بطبختنا اللذيذة مين فينا ما بحب المسبكتي كتير كتير طيبه ورائعة هالاكلة انا كتير بحبها باللحمة المفروم اطيب وكمان من المكونات طماطم وفلفل رومي وبهارات مشكلة وفلفل اسود وكمون وزيت طعام وتومة وزعتر ناشف وملح وصلصة وهلأ نحكي بسم الله ونبلش بنجيب حلتين اول حلة بنحط فيها مية وزيت طعام ونضع فيها المسبكتي الكمية يلي ترغبيها ونسلقها بالمياه ونضع رشة ملح ونضع معلقة زيت طعام اول ما تنسلق وتجهز معانا نرفعها من الحلة ونصفيها من المية المغلية ونحطها تحت حنفية المياه الباردة لحتى ما تبرد المسبكتي ونضعها على جمب وهلأ بنجيب الحلة التانية ونضع فيها زيت طعام معلقتين ونقشر البصلة ونقطعها مكعبات صغيره وندبلها تدبيلة بسيطة أو تحريكة بسيطة ومن ثم نضع اللحمة المفرومة أو الدجاج او اي شي بترغبي فيه وبتحبيه ونقلبه مع البصلة ونشوحوا دقيقتين ومن ثم نضع الفلفل الرومي والحارس بتكون قطعناه قطع مكعبات وبنحطهم وبنحرك دقيقتين وفي ناس بتحب تحط بطاطا مكعبات عادي ولذيذة بس كوني قلياها بالاول مكعبات وبعدين بتحطيها وهلأ إذا بتحبه تحطه بقدونس مقطع صغير عادي ما بأثر وهلأ بنحط البهارات

فلفل اسود وملح وكمون وبابريكا رشة صغيرة ومكعب ماجي أو مرقة دجاج ومن ثم نضع حبة طماطم مقشرة من القشرة ومقطعة مكعبات ونضعها ونضع معلقتين من الصلصة او مربى الطماطم وبنخلي المكونات ع النار عبالي ما تستوي وتتسبك معانا وبعد ما تتسبك معنا بنجيب المعكرونة يلي سلقناها وبنضعها فوق الصوص يلي عملناه وبنحركهم جيدا مع بعض حتى تتشرب بالصوص المعكرونة ونتذوق الملح والبهارات إذا كانت بدها كمان نحطلها حسب الذوق ومن ثم نغطي الحلة خمس دقائق عبالي ما تتشرب الصوص ومن ثم نحطها في طبق التقديم وتقطع بقدونس صغير ونرش ع الوجه ونجيب ليمون نقطعه مكعبات ونرشه على الوجه وهيك الطبق بكون جهز معانا وصحة والف عافية

اتمنى ان تنال وصفتي لليوم اعجابكم وصحة والف عافية عليكم يارب ونلقاكم في وصفات تانية غدا ان شاء الله في رعاية الله وحفظه والسلام عليكم ورحمه الله وبركاته

الصور من تصويري