Telugu aur Tamil waale kar rahe kuch naya

Telugu aur Tamil waale chaa rahe hai yaar, Pahle Tamil language me pahli space film bani aur ab Telugu me dusri space film aane waali hai India me. Aur ek bollywood waale hai to bas grand masti jaisi filme banana jaanti hai. Bas hotness se bhari hui film banana jaante hai. Aise filme koi banana jaanta hi nahi hai yaar waise wo bhi kya kare hum logo ko hi aisi filme dekhna pasand hai to iss me unki bhi koi galti nahi hai. 

Khair ye dekhiye Telugu ki pahli space waali film ka poster release ho gaya hai. 

Image via taran adarsh twitter page

Iss ka teaser jald hi aayega abhi to kewal poster aaya hai. India ki pahli space waali film Tamil language me release hui hai jiss ka naam hai 'tik tik tik'. Film kaisi hai mujhe pata nahi yaar kyo ki maine dekhi hi nahi ye log Hindi me filme release nahi karte hai. Khair koi baat nahi jald hi aayegi to dekh lunga. 

Jo bhi ho yaar Tollywood aur Kollywood waale tarakki kar rahe hai pahle Robot banaya fir  Baahubali banaya aur abhi fir se robot ka 2nd part bhi aa raha hai aur uske baad Prabhas ki film Saaho bhi aa rahi hai. 

Aur bollywood waale kiya laa rahe hai? Kick 2-dabang3-race 3. Bollywood bas yahi tak simit hai iss se aage bollywood jaa bhi nahi sakta hai yaar. Khair ab kar bhi kya sakte hai logo ko bhi aisi hi filme pasand hai to aisi hi filme aati bhi hai. 

Video from sony music india

Ye tik tik tik film ka trailer hai, Abhi to Antariksham ka trailer aaya nahi hai isliye aap isi film ka trailer dekh lijiye. Sayad aap ko ye pasand aaye. Waise trailer to mujhe sahi hi laga hai yaar kam se kam ye Telugu waalo ne kuch naya to laane ki koshish ki Indian cinema me. 

Dono hi filme jab Hindi me aayegi tab jarur dekhunga main filhaal to main inki aane ka hi intezaar kar sakta hoon. Aur maine suna hai ek Bollywood me bhi space waali film aane waali hai jiss ka naam hai Salute aur iss me Shahrukh Khan honge.