Kamaal kar gayi hai kesari

Kesari ne to dhamaal machaya hua hai batao ab tak 86 crore kama chuki hai. Kewal 5 din me iss film ne 86 crore kama liya hai. Ye kam nahi hai bhai ab dekhna mujhe lagta hai ki ye film 200 crore ke kareeb pahuch sakti hai. Bataiye sirf 5 din me itna achha kamayi ki hai. Ye sab film ki quality ka kamaal hai aur akshay kumar ka. Jo bhi role akshay ko de do ye sab role me fit ho jaate hai aur sab role mast karte hai. 

Image from karan johar twitter page

Iss me lambi lambi dhaadhi rakhi hai aur badi pagdi rakhi hai sach me wo gazab ke lag rahe hai. Mujhe to yaar bahut pasand aaya hai inka ye autaar aur ab to achhi filme choose kar rahe hai akshay kumar pahle bekaar filme karte they lekin ab achhi filme kar rahe hai. Mujhe to inki ab ki filme bahut achhi lagti hai. 

Bas wo jo desh bhakti waali filme banaate hai na wo mujhe thoda bekaar lagta hai. Dekho jaise ye film kesari banayi ye film hai na gazab ki iss se pahle wo banaya tha kya naam tha uska haan toilet ek prem katha wo bhi mast thi. Iss ke baad ek aur film aayi thi padman ye thoda bekaar laga tha mujhe warna baaki wo sab thik hi tha.

Bahut achhi achhi filme banaate hai ab akshay kumar. Ab inke nakse kadam par hi john abraham chal rahe hai ab bas desh bhakti waali filme leke aa rahe hai unki film romeo akbar walter 5 April ko release hone waali hai uske baare me hum agli post me baat karenge. Ab to main ek hi post har roj kar raha hoon kyo ki ab samay nahi milta hai isliye bas ek hi post daalta hoon pahle samay milta tha to 2 post karta tha. 

Achha kesari ki baat kar raha tha main ab tak maine ye film dekha nahi hai. Samay nahi mila aur jaha main hoon waha pe theatre nahi hai. Agar yaha theatre hota to main iss film ko jarur dekhta lekin kya batau aap ko yaha par koi theatre hai hi nahi sala gaaon hai na yaha se 20 kilo meter door hai theatre ab utna door kon jaayega yaar film dekhne ke liye. 

Video from dharma productions

Ye dekh sakte ho aap kaise iss film ko shooting hui hai aur kitni mehnat ki hai iss film ko banaane me. Waise jyada samay nahi lagta hai akshay kumar ko ek film banaane me wo 2 mahine me ek film bana ke taiyaar kar dete hai. Isliye to banda ek saal me 4 filme tak bana deta hai itna busy hone ke baad bhi. 

Ye dekh sakte ho aap iss film ka review aap yaha se dekh sakte ho sab ko ye film kaafi pasand aayi hai aur aap ko bhi kaafi pasand aayega. 

Video from bollywood spy hindi