Jarur dekhna chahye aap ko ye film

Mitro aaj dekhi maine Irfan Khan ki film hindi medium. Ye pichle saal hi release hui thi. Bahut hi jabardast film hai aur iss me pakistani actress bhi hai. Waise pakistan ki sabhi actress kaafi khubsurat rahti hai. Iss film ki kahani na bahut hi jyada achhi hai. Ye film India me hi nahi videsh me bhi kaafi chali thi aur achha khasa kamayi thi. China me bhi film ne achha business kiya hai. 

Agar aap ne ye film nahi dekhi hai to fir aap iss film ka trailer jarur dekhe. Trailer dekhne ke baad aap iss film ko dekhne se khud ko nahi rok paaoge. 

Video from T-series

Iss film ka song bhi achha hai aur rating bhi achhi mili hai iss film ko. Aap imdb me dekh sakte hai iss film ki rating 7.8 hai. Film ki kahani ye hai ki Irfan Khan apni beti ka admission Delhi ke sab se bade school me karana chahte hai. Lekin uski beti ka admission hota nahi hai aur seat full ho jaati hai. 

Fir usko pata chalta hai ki gareeb bachho ka admission hona abhi baaki hai. Kuch percent seat gareeb bachho ke liye reserve rahti hai. To bas isi wajah se apni beti ka admission karaane ke liye Irfan Khan aur uski wife gareeb ban jaate hai aur jaake gareebo ke saath waqt bitate hai. 

Film ki kahani bahut hi achhi hai aur acting ki baat kare to Irfan Khan to hollywood me kaam karte hai ye aise bande hai ki inko Hollywood ke offer aate rahte hai. 

Kayi Hollywood filmo me inhone kaam kiya hai ye to aap jaante hi honge hai ki nahi. Hollywood ki kayi filmo me maine inko dekha hai usme se ek hai Jurassic World. Ye actor achhe hai aur filme bhi achhi achhi banaate hai. 

Main ab tak iski film blackmail aur Madaari bhi nahi dekhi hai. Ab time milega to main wo film bhi dekhunga. Aur aap ko bataunga ki wo mujhe kaisi lagi waise unko bhi logo ne kaafi pasand kiya hai. Inki filme chalti nahi hai yaar bhale hi achhi filme banaate hai lekin fir bhi chalti nahi hai pata nahi apne Indian audience ko kya ho gaya hai yaar. 

Ye dekhiye Madaari ka trailer

Video from T-series