HNY ka record tod diya TOH ne

Thugs ne to sab ko thug diya yaar. Ab kya batau sab ne kharab hi review diya hai. Ek bhi aisa koi analyst nahi hai jo film ko achha bata raha ho. Lekin kuch bando ko film achhi lagi hai. Par adhiktar ko to film kharab hi lagi hai. Maine nahi dekhi yaar main review ka hi intezaar kar raha tha lekin maine socha hai ki main jarur dekhne jaaunga. 

Ye dekhiye taran ji ka kya kahna hai film ke baare me unhone to kewal 2 star hi diye hai yaar. Bahut hi ghatiya bataya hai taran ji ne film ko. 

Screenshot from taran adarsh twitter page

Par ghatiya bataane se koi faayda nahi hai kyo ki film India me 5000 screen par release hui hai itna to Baahubali ko bhi screen nahi mila tha jitna thugs of hindostan ko mila hai. Film ne pahle din jabardast kamayi ki hai kyo ki sab jaante they Aamir Khan ki film hai to achhi ho hogi. 

Aur abhi to lamba weekend hai bhale hi iss film ko negative reviews mil raha ho lekin dekhna ye film araam se 300 crore kamayegi. Mujhe lagta hai lifetime tak ye film 350 crore to jarur kama legi. Kya lagta hai aap ko itna kamayegi ki nahi ye film? Mujhe to pakka yakeen hai ki kama legi yaar.

Screenshot from taran adarsh twitter page

Ye dekhiye film ki pahle din ki kamayi. Iss film ne pahle din 52 crore ki kamayi ki hai yaar jiss me se kewal Hindi me 50.75 crore ki kamayi ki hai. 2014 me aayi Shahrukh Khan ki film ke pahle din ka record Aamir Khan ne tod diya. Aap ko pata hai happy new year ne pahle din 44.97 crore ki kamayi ki thi. 4 saal lag gaye iss record ke tutne me. Ab jaa ke ye record tuta hai. 

Waise ye film ek dum bekaar thi lekin jyada promote hui thi iss wajah se pahle din itna kamayi ki thi. Aur ek baat thugs of hindostan ki bhi negative review mil rahe hai aur iss ne pahle din record tod kamayi ki hai. Ab dekhte hai aage kya hota hai.