Chehre me amitabh ka chahra dekh lijiye

Pahli baar amitabh bachchan aur emraan hashmi ek saath najar aane waale hai ek film me. Jiss film ka naam hai chehre aur ye film agle saal release hogi february me. In dono ko pahle kabhi kisi film me ek saath nahi dekha hai maine pahli baar dekh kar achha lagega. Waise amitabh bachchan ki filme achhi chalti hai lekin emraan hashmi ki filme kuch khaas chalti nahi hai aur ab tak ek bhi 100 crore nahi kama paaye. 

Image from taran adarsh 

Ek emraan aur ek shahid in dono ki filmo ne ab tak 100 crore ki kamayi nahi ki hai. Ab padmaavat ki baat mat kar lena usme shahid akela hero nahi tha ranveer tha aur deepika thi iss wajah se itna kamaya. Lekin uske alawa ek bhi shahid ki film ne 100 crore nahi kamaye aur na hi emraan ki film ne. 

Waise dono hai achhe actor lekin kya kare koi badhiya film nahi mili. Wahi aap varun ko dekh lijiye ek number ka bhaklol hai lekin fir bhi iss ki sabhi filme 100 crore se upar kamaati hai aur adhiktar filme hit hoti hai. Aisa isliye kyo ki karan ka haath hai iss ke sir par isliye iss ki filme bhi bahut achhi kamayi karti hai. 

Khair ab hum amitabh aur emraan ki filme ki baat karte hai. Ye dono ek saath najar aane waale hai aur iss film me kon si heroine hai ab tak iss ka pata nahi chala hai. Iss film ko Rumi Jaffery direct karne waale hai. Iss film ki shooting se kuch tasveere to aayi hai lekin kuch khaas nahi lagi mujhe dekhte hai ye film kaisi hoti hai waise to abhi bahut samay hai iss film ke aane me tab tak araam kijiye aur kya. 

Images from taran adarsh

Amitabh bachchan ka look dekh rahe ho aap sabhi log dhadhi me bhi choti baandhi hai. Abhi tak emraan ka look saamne nahi aaya hai pata nahi wo kaise dikh rahe hai waise iss film ka naam achha hai chehre. Heroine ka pata nahi kiss ko liya hai aur emraan ki film me heroine na ho aisa to ho hi nahi sakta hai. 

Waise pichli film me to koi ganda scene nahi tha dekhte hai iss me kya hota hai. Waise ye film aane me abhi 10 mahina samjh lo ki samay hai. Abhi filhaal to bahut se film aane waale hai isliye iss ka intezaar karne se koi faayda nahi tab tak itne saare film aa rahe hai wo dekhiye aap log aur haan bharat dekhne ke liye jarur jaana jald hi aa raha hai.