Ayushmann ki to lottery lag gayi

Badhaai ho mitro kyo ki badhaai ho mast kama rahi hai. Mujhe to trailer dekh kar hi laga tha ye film jabarjast kamayi karegi lekin itna kamayegi ye maine socha bhi nahi tha. Aap ko pata hai ye film Ayushmann Khurrana ki pahle din sab se jyada kamayi karne waali film ban gayi hai. Iss se pahle Ayushmann ki kisi bhi film ne itna ki kamayi nahi ki thi. 

Ye dekhiye film ka collection 2 dino me ab tak itna kamaya hai iss film ne. 

Screenshot from taran adarsh twitter page

Waise aaj kal jo bhi film aati hai wo Shahrukh Khan ki film Jab harry met sejal ka record tod hi deti hai yaar. Pata nahi shahrukh khan ne kya soch kar wo bakwaas film banayi thi. Dekhne ye bhi film SRK ki uss film ka record tod degi. 

Waise Khurrana ji ke to chandi hi chandi ho gayi yaar. Unki film andhadhun bhi release hui thi abhi kuch week pahle lekin wo film jyada chali nahi. Waise maine wo film dekhi hai aur mujhe to behad pasand aayi bhai log. Maine to aap ko bataya bhi tha Drishyam ke baad koi achhi mystery thriller film aayi hai to wo yahi hai. 

Agar aap ne nahi dekha hai wo film to jarur dekh lena ab to sayad theatre se nikal chuki hai. Lekin abhi agar aap ko comedy film dekhni hai to aap badhaai ho dekh sakte hai. Main kal jaaunga ye film dekhne. Tab tak aap public review dekho sab ko film pasand aayi hai. 

Video from bollywood tashan

Review dekh sakte ho aap sabhi log film ka achha review de rahe hai. Mujhe to lagta hai ye film 80 crore tak kama legi ab dekhte hai itna kama paati hai ki nahi. Aap ko kya lagta hai kitna tak kama paayegi? Maine film dekhi nahi hai lekin trailer mujhe bahut achha laga tha aur public ka review bhi achha hai to main kal dekhne jaa raha hoon udhar se dekh ke aaunga to jarur bataunga ki mujhe film kaisi lagi tab tak agar aap ne dekhi hai to aap hi bata do ki aap ko film kaisi lagi.