Tula, Isang Katha :: NAPAPAGOD RIN | Napapagod din ang puso kahit ito'y nagmamahal pa rin!

NAPAPAGOD RIN

Parati nalang 'di inaalintana
Kahit ako'y pagod at masaktan pa
Mapahiwatig lang sayo ang nadarama
Tunay nga talaga na pag-ibig ay hiwaga

Pero wag mo sanang abusuhin
Sapagkat pasensya'y paubos na rin
Mahal talaga kita at 'yan ay totoo
Pero minsan ay sumasakit na rin ang ulo ko

Binibigay ang lahat ng sayo ay nararapat
At 'di ako nag atubili na maging tapat
Ngunit 'di ko rin 'yan hinihiling mula sa'yo
Pero wag mo naman sanang gipitin ng ganito

Sapagkat, kahit pag-ibig sayo ay napakalalim
Puso ay napapagod at bumibitaw rin
'wag na sanang subukan pa
Dahil sa paglayo mo ay handa na

Mahal nga kita at yan ay totoo
Pero di madidiktahan ang pagod kong puso
Sapagkat may pananagutan ka rin naman
Kaya sana'y sayo ay maramdaman
Na dapat din ako ipaglaban