Ibinabahagi mo sa amin ang iyong nalalaman

Nagsisikap ka para kami ay maturuan

Para madagdagan ang aming kaalaman

Iyong pagiging mahigpit ay aming nauunawaan

Ikaw ang pangalawang ina sa paaralan

Nariyan ka handa kaming tulungan

Maitituring din naming isang kaibigan

Na handa kaming unawain at pakinggan

Sa aming nais mga gawin ay sinusuportahan

Nagkakaisa kapag iyo na kaming pinapayuhan

Isa ka sa luminang ng aming mga kakayahan

Kaya nararapat ka lang namin galangin at pasalamatan

Kahanga-hanga ang iyong katangian

Dahil sa'yo mas dumarami ang aming nalalaman

Salamat sa pagtulong sa palinang ng aming yaman

Karunungan na hindi makukuha ng kahit sinuman

Maraming salamat po sa mga payo

Marami po kaming natitunan dahil sa inyo

Maraming salamat sa mga pangaral na ibinibigay ninyo

Mas natuto akong mangarap dahil sa'yo

Maraming salamat sa'yong mga itinuturo

Ikaw ay isa sa pinagmamalaki naming guro

Tanging isang bagay lang ang aking maipapangako

Magiging mabuting mag-aaral ako kahit saan man mapadako.

photosource

SANA AY NAGUSTUHAN NINYO. Maraming salamat sa pagbasa.

MAGANDANG ARAW SA LAHAT!

✔️ UPVOTE ✔️ COMMENT ✔️ RESTEEM